टाकी साफ करताना बेशुद्ध पडले आणि…

आनंदनगर येथील ए. पी शहा महाविद्यालयाच्या मागे असलेल्या राज रेसिडेन्सी कॉम्प्लेक्समधील टिक वूड ए १ सोसायटीत पाण्याची टाकी साफ करण्याचे काम सुरु होते. या दहा मजली इमारतीत ओम साई समर्थ टँक क्लीनर्स कंपनीचे कर्मचारी अनमोल भोये टाकी साफ करत होते. या कामादरम्यान टाकीमध्ये ते बेशुद्ध पडले.
Ratnagiri News : कामासाठी घरातून निघाले ते परतलेच नाहीत, कार नदीपात्रात कोसळली आणि भयंकर घडलं; संपूर्ण गाव हळहळलं
या घटनेची माहिती मिळताच आपत्ती व्यवस्थापन कक्षाचे कर्मचारी आणि बाळकूम अग्निशमन दलाचे जवान दाखल झाले. त्यांनी भोये यांना टाकीच्या बाहेर काढून ओवळा येथील खासगी रुग्णालयात उपचारासाठी दाखल केले. मात्र डॉक्टरांनी त्यांना मृत घोषित केले. त्यांचा मृतदेह पुढील कार्यवाहीसाठी ठाणे जिल्हा शासकीय रुग्णालयात पाठविण्यात आला. त्यांच्या मृत्यूचे नेमके कारण समजू शकले नाही.
Vasai News : तरुण होळी महोत्सवासाठी गेला, आकाश पाळण्याखालील खांबाला हात लागला आणि आक्रीत घडलं

भोये कुटुंबाने आधार गमावला

ठाण्यात टिकूजीनी वाडी येथील कोकणीपाडा या आदिवासी पाड्यावर भोये कुटुंबिय अनेक वर्षांपासून राहते. मृत अनमोल भोये यांच्या पश्चात आई, वडील, मोठा भाऊ असून कुटुंबाचा चरितार्थ चालवण्यासाठी अनमोल पाण्याच्या टाकी साफ करण्याचे जोखमीचे काम करत होता. त्याच्या अकाली मृत्यूने भोये कुटुंबाने आधार गमावला असून त्यांच्यावर दु:खाचा डोंगर कोसळला आहे.

दरम्यान, याच मार्च महिन्याच्या सुरुवातीला मुंबईतील नागपाडा परिसरातही अशीच घटना घडली होती. बांधकामाधीन इमारतीच्या (खासगी) पाण्याची टाकी साफ करताना ४ स्वच्छता कर्मचाऱ्यांचा गुदमरुन मृत्यू झाला होता. त्यांना तात्काळ जे. जे. रुग्णालयात दाखल करण्यात आलं होतं, मात्र डॉक्टरांनी त्यांना तपासून मृत घोषित केलं. रविवारी ९ मार्च रोजी पाण्याची टाकी साफ करताना ही दुर्दैवी घटना घडली होती.