नेमकं काय म्हणाले नारायण राणे?
चित्रा वाघ प्रकरणी माजी मुख्यमंत्री, खासदार नारायण राणे यांना प्रश्न विचारण्यात आला. अनिल परब म्हणाले होते की कोण ते ५६ आहेत ते मला पाहायचे आहे. त्या प्रश्नावर उत्तर देताना नारायण राणे म्हणाले की, एक पाहू शकत नाही तू काय ५६ पाहतो, आणि चित्रा वाघच्या मागे ती एकटी नाही आहे. पूर्ण भाजप आहे आणि नारायण राणे पण आहे. मैदान सांग, ठिकाण सांग, कोण नाही आलं तरी मी हजर होईन. कधी येतो येतोस. कोण नाही राहिले त्या शिवसेनेत हा चिऊचिऊ करतोय. त्यांमुळे त्यांनी तोंड बंद कराव अन घरी बसावं.

‘तूला हे जमणार नाही’
ज्यावेळी ४० आमदार सोडून गेले होते त्यावेळी आम्ही आक्रमक झालो असतो मात्र उद्धव ठाकरेंनी आम्हाला शांत राहण्यास सांगितले अन्यथा आम्ही आक्रमकता दाखवली असती असे अनिल परब म्हणाले होते यासंबंधी प्रश्न विचारला असता नारायण राणे म्हणाले की, मला एक पहिलं विचारायचं आहे. अनिल परब आणि आक्रमकता हे समीकरण जमतंय का? कोणाला कानफटात मारलं हे ऐकिवात आहे का, वकील असल्याने भाषण करु शकतो. त्याने उगाच बढाया मारू नये. तूला हे जमणार नाही. तूला काय करायंच ते कर. तुला हे जमणार नाही.

दिशा सालियान प्रकरणात आदित्य ठाकरेंचे नाव घेऊ नये यासाठी तत्कालिन मुख्यमंत्री उद्धव ठाकरे यांचे दोन फोन आल्याचाही पुनरुच्चारही नारायण राणे यांनी या पत्रकार परिषदेत केला.