प्रशांत कोरटकर हा त्यांचाच नागपूरचा माणूस आहे. आता तो पळून गेला की नाही हे सांगतील. उद्या आम्ही म्हणायचो पळून गेला आणि तो भाजपच्या कार्यालयात, मंत्र्यांच्या बंगल्यात किंवा वर्षा बंगल्यावर सापडायचा. भाजपच्या राजवटीमध्ये काहीही होऊ शकतं, जर खरोखर कोरटकर पळून गेला असेल तर गृहखात्याच्या मदतीशिवाय तो पलाय व करू शकत नाही. फडणवीसांचे पोलीस इतके सक्षम आहेत, आरोपींना पकडतात सरकारच्या आदेशाने सोडून देतात. कृष्णा आंधळे, कोरटकर सापडत नाहीत म्हणून मी म्हणतो की हे सरकारप मनोरूग्ण असल्याचं संजय राऊत यांनी टीका केली.

या राज्याची जनता झोळी फिरवून पैसा जमवून या सरकारवर उपचार करू शकते. कोणताही आरोपी पोलिसांच्या मदतीशिवाय पळून जाऊ शकत नाही. ज्याचा जामीन फेटाळलाय आणि ज्याने महाराजांचा अपमान महाराष्ट्रात केलाय, नागपूर दंगलीतील आरोपी पकडलेत पण याला पकडलं सांगता. पण ज्याला खरोखर पकडायचा होता तो पळून गेला. ज्या दिवशी हाय कोर्टाने जामीन नाकारला तेव्हा तो नागपूरमध्येच होता. नागपूर पोलिसांची ही जबाबदारी आहे. नागपूर पोलीस आयुक्तांचा राजीनामा किंवा बदली केली पाहिजे. खरं तर गृहमंत्री देवेंद्र फडणवीसांनी यासंदर्भात जबाब दिला पाहिजे. पण आमचे गृहमंत्री ते हवेत पतंग उडवत बसतात. त्यांची पतंग फाटली असून ते कसले पतंग उडवत बसल्याचं म्हणत राऊतांनी घणाघाती टीका केली आहे.

दरम्यान, दंगल नागपूरलाच का झाली, हा प्रश्न मीच नाहीतर आदित्य ठाकरे आणि इम्तियाज जलील यांनीही विचारला. फडणवीसांचं संपूर्ण सरकार मनोरूग्ण असून त्यांना सामुदायिक मानसोपचार करण्याची गरज आहे, असंही राऊत यांनी म्हटलं आहे.