भायखळा येथे वास्तव्यास असलेल्या व्यापाऱ्याचे बालाजी गोल्ड नावाचे सोन्याच्या दागिन्यांचे दुकान आहे. हे व्यापारी बुधवारी दुपारी तीनच्या सुमारास आपल्या दोन कर्मचाऱ्यांसह बसले असताना चार जण कार्यालयात शिरले. इंटेलिजन्स ब्युरोचे अधिकारी असल्याचे ओळखपत्र चौघांनी दाखवले. कुणीही दुकानातून बाहेर पडू नका, असे बजावत आपण रोख रकमेत सोने विक्री करीत असून सोन्याची तस्करी करता, अशी माहिती आहे, असे सांगून चौघांनी दुकान आणि कार्यालयाची झडती घेतली. चौघांमधील एकाने आपल्या बॅगेतून आणलेले लॅपटॉप काढून त्यामध्ये दुकानातील वस्तूंच्या नोंदी घेतल्या.
BJP MLA Suspended: कर्नाटक विधानसभेत मुस्लिम आरक्षणावरुन गदारोळ; भाजपचे १८ आमदार ६ महिन्यांसाठी निलंबित
तुला आमच्यासोबत यावे लागेल, असे सांगून त्यांनी व्यापाऱ्याला सोबत घेतले. गुन्हा दाखल करण्याची धमकी देत त्यांनी २५ लाख रुपये खंडणीची मागणी केली. इतकी रक्कम नसल्याचे व्यापाऱ्याने सांगताच तडजोडीअंती साडेअकरा लाख देण्याचे ठरले. व्यापाऱ्याला घेऊन चौघांनी गिरगाव गाठले. व्यापाऱ्याने आपल्या कर्मचाऱ्याला ही रक्कम घेऊन येण्यास सांगितले. कर्मचाऱ्याने दिलेली रक्कम दिल्यावर चौघांनी व्यापाऱ्याला टॅक्सीतून विनय हॉटेलसमोर सोडले आणि पोबारा केला.
Nashik Crime: सासूमुळेच बायको नांदत नाही, लव्ह मॅरेज केलेल्या जावयाच्या डोक्यात शिजला कट, कार काढली अन्….
छापा टाकणारे अधिकारी बोगस असल्याचा संशय आल्याने व्यापाऱ्याने व्ही. पी. रोड पोलिस ठाण्यात तक्रार केली. गुन्हा दाखल होताच पोलिसांनी सीसीटीव्ही फुटेज आणि तपास कौशल्य पणाला लावून प्रथम आझाद मैदान परिसरातून किसन शेलार याला अटक केली. त्याच्या चौकशीतून मिळालेल्या माहितीच्या आधारे पवन चौधरी, सूर्यकांत शिंदे आणि श्रीजीत गायकवाड यांना पकडण्यात आले. यामध्ये सूर्यकांत आणि श्रीजीत हे दोघे वकील असल्याची माहिती पोलिसांनी दिली.
Pune Crime : ‘हा मुलगा माझा नाही’, पतीच्या डोक्यात संशयाचं भूत, मुलाला घेऊन गेला, अन्… पुणे हादरलं
गुन्ह्याची धमकी देऊन खंडणी वसुली तोतया अधिकाऱ्यांनी गुन्हा दाखल करण्याची धमकी देत – व्यापाऱ्याकडे २५ लाख रुपये खंडणीची मागणी केली. तडजोडीअंती साडेअकरा लाख देण्याचे ठरले. त्यानुसार ही रक्कम मिळताच व्यापाऱ्याची सुटका करीत आरोपींनी पोबारा केला.