दिशा सालियन मृत्यूप्रकरणावरुन विधिमंडळ सभागृहात चांगलाच गदारोळ पाहायला मिळाला. विधानपरिषेदत आमदार अनिल परब यांनी सत्ताधाऱ्यांवर जोरदार हल्लाबोल केला. तुमच्यासारखे 56 पायाला बांधून फिरते मी.. असे चित्रा वाघ यांनी परबांना म्हटलं होतं. त्यावर, आकडा कमीच सांगितलं असं लोकं म्हणतात, असं ट्विट सुषमा अंधारेंनी केलं होतं. त्यानंतर, वाघ यांनीही ट्विट करुन सुषमा अंधारेंवर जोरदार हल्लाबोल केला. त्यामुळे, सुषमा अंधारे आणि चित्रा वाघ यांच्यात चांगलीच जुंपली आहे. दरम्यान सकाळी पत्रकार परिषदेतून सुषमा अंधारे यांनी पुन्हा चित्रा वाघांना सुनावलं. त्यावर आता स्वत: चित्रा वाघ यांनी सुषमा अंधारे यांना प्रत्युत्तर दिलेलं आहे.