“मला प्रश्न पडलाय, हे प्रश्न अजून किती वर्षे विचारणार? माझ्या कॅरेक्टरला धरुन एकच प्रश्न जो विचारला जातो, जे बोललं जातं, ज्या पद्धतीने, अरे तुम्ही स्वत:ला काय समजता? तुम्ही आहात कोण? तुमची लायकी काय? बरं विषय त्यांचा नव्हताच. मी का बोलले? कारण त्यांच्या नेत्याने अनिल परब यांनी माझ्याकडे बोट दाखवून चित्रा वाघ असं म्हणून मला प्रश्न विचारला, उत्तर देऊ नको?”, असा सवाल चित्रा वाघ यांनी केला.

वाघ यांचा अंधारेंवर घणाघात

“हा प्रश्न फक्त एकट्या चित्रा वाघचा नाहीय. अहो तुम्ही महिलांवर दादागिरी करता? तुम्ही असाल मोठे शहाणे. पण महिलांचा अपमान करायचा, दादागिरी त्यांच्यावर करायचा, त्यांचा आवाज दाबायचा अधिकार कुणी दिला? आम्हाला हलक्यात घेऊ नका, असा मेसेज होता. पण या सटर फटर वटवाघळांना त्यांची लायकी तेवढी आहे. कुठल्याही परिस्थितीतून घाणेरडं काहीतरी निर्माण करायचं आणि बोलायचं”, अशी टीका चित्रा वाघ यांनी केली.

“सुषमा अंधारे काल माझ्याबद्दल इतकं घाण बोलल्या. अरे आम्हालाही घर-दार, संसार आहे ना? आम्ही काय रस्त्यावर पडलोय? मी एकच प्रश्न विचारला, तो जो कोण त्यांचा नवरा होता. त्यावर त्यांनी उत्तर दिलं नाही. तो येऊन येऊन मीडियासमोर सांगतोय की, त्या लेकराचा डीएनए टेस्ट करा. खरंतर मला हे बोलताना वाईट वाटतंय. त्या लेकराचादेखील त्यात दोष नाही. तुम्ही आमचं बोलता. आम्ही तुमचं बोललो तर? तुमच्यात आणि आमच्यात फरक राहिला नाही”, असं चित्रा वाघ म्हणाल्या.
Aaditya Thackeray : ‘पवारांनी शिंदेंचा सत्कार केला याचं दु:ख झालं’, आदित्य ठाकरे यांचं मोठं वक्तव्य
“माझं नाव घेऊन बोलले म्हणून मी त्यांना उत्तर दिलं. तो विषय मनिषा कायंदे यांनी काढला. मीच नाही आणखी काही सहकाऱ्यांनी प्रतिक्रिया दिली. महिलांना हलक्यात घेऊ नका हा स्ट्राँग मेसेज यातून दिलाय. आमचा नवरा, मुलं काय करतात याचं तुम्हाला काय करायचं आहे? तुम्ही मुद्द्यावर बोलाना, हेच तर मी म्हटलं. हे कधी होतं, जेव्हा तुमच्याकडे बोलायला काही नाही तेव्हा चित्रा वाघ आणि मग किती पुरुष पायाला बांधले, अरे ही नीच प्रवृत्ती आहे. कधी थांबणार? पुरुष नाही ह्यांच्यासारख्या. ह्यांच्या डोक्यात स्त्री-पुरुषाला जोडण्याशिवाय काहीच नाही. म्हणून ज्याची जशी लायकी त्याच्या तोंडातून तेच येणार”, असा घणाघात चित्रा वाघ यांनी केला.