सुरुवातीपासून दिशा सालियन प्रकरणात आक्रमक असलेले नितेश राणे विधान भवनात दाखल झाले. त्यानंतर सांस्कृतिक कार्यमंत्री आशिष शेलार यांची सुद्धा विधानभवनात एन्ट्री झाली. याप्रकरणी त्यांची प्रतिक्रिया विचारली असता आगे आगे देखो होता है क्या, अशी बोलकी प्रतिक्रिया त्यांनी दिली. एकंदरीतच आज विधिमंडळात दिशा सालियन प्रकरण गाजणार हे मात्र नक्की..!

दिशावर सामूहिक अत्याचार करुन तिची हत्या, वडिलांची याचिका

दिवंगत अभिनेता सुशांत सिंह राजपूतची माजी मॅनेजर असलेली दिशा सालियन हिच्या मृत्यू प्रकरणाची फाईल पुन्हा एकदा उघडणार असल्याचं दिसत आहे. दिशा सालियन मृत्यू प्रकरणाची नव्याने चौकशी करण्यात यावी अशी मागणी तिच्या आई-वडिलांनी केली आहे. दिशावर सामूहिक अत्याचार करुन तिची हत्या करण्यात आल्याचा दाव या याचिकेत करण्यात आला आहे. यामध्ये ठाकरे गटाचे नेते आदित्य ठाकरे सूरज पांचोली, दिनो मौर्या यांच्यावर गंभीर आरोप करण्यात आले आहेत. इतकंच नाही तर मुंबई पोलीस आणि माजी महापौर किशोरी पेडणेकरयांनी दिशाभूल करत आपल्यावर दबव टाकल्याचा आरोपही या याचिकेत करण्यात आला आहे.
Disha Salian Case : दिशा सालियनच्या पालकांचा मोठा दावा, याचिकेत आदित्य ठाकरेंचे नाव, किशोरी पेडणेकर थेट म्हणाल्या…
दिशाच्या मृत्यूची चौकशी सीबीआयने करावी अशी मागणी तिच्या वडिलांनी केली आहे. त्यामुळे या याचिकेवर लवकरच सुनावणी होण्याची शक्यता आहे. दिशा सालियन यांचे वडील सतीश सालियनयांनी याबाबत कोर्टात ही याचिका दाखल केली आहे. याप्रकरणाची पुन्हा एकदा नव्याने चौकशी व्हावी असंही ते म्हणाले आहेत.

महाविकास आघाडी सरकारच्या काळात दिशा सालियानचा मृत्यू झाला होता. तेव्हा तिच्या आई-वडिलांनी असा दावा केला होता की तिची हत्या झालेली नाही, आपल्या मुलीची बदनामी करु नका असं आवाहनही त्यांनी केलं होतं. मात्र, आता त्यांनी युटर्न घेत दिशाची हत्या झाल्याचा दावा केला आहे.