महायुतीच्या आमदारांनी मागणी केली आहे की, सुप्रिम कोर्टच्या आदेशानुसार कोणत्याही माता भगिणी कोणावर बलात्काराचा आरोप करतात त्यांना तात्काळ अटक करून कारवाई करावी असं कोर्टाचं जजमेंट आहे. राज्यामध्ये सर्वांना एकच न्याय लागतो मग दिशा सालियान प्रकरणात तिचे वडील सतीश सालिया यांनी ज्यांची नावं मुलीच्या प्रकरणाच ज्या तिघांची नाव घेतलीत, त्यामुळे इतर लोकांना जो न्याय लागतो तोच न्याय या तिघांनाही लागावा अशी मागणी सभागृहात केली. राज्याचे गृहराज्यमंत्री योगेश कदम यांनी सकारात्मक पद्धतीने सरकार म्हणून आम्ही कोणालाही पाठिशी घालणार नाही आणि राजकीय दबाव सहन करणार नाही अशी भूमिका नोंदवली असल्याचं नितेश राणेंनी केलं आहे.

एसआयटीने समन्स बजावलं होतं की या प्रकरणाची माहिती द्यावी यावर बोलताना नितेश राणे हे पत्रकारांवर भडकले. एसआयटीमध्ये चिमाजी आढाव नावाचा अधिकारी होता. या केसमध्ये तो सहभागी होता, आमच्याकडे महिती आहे की या केसमध्ये कव्हरअप करण्यामध्ये मदत करत होता. त्यावेळी मी पत्र लिहिलं होतं की ज्याच्यावर आम्हाला संशय आहे त्याच्यासमोरच आमचे पुरावे द्यावी का, जेणेकरून तो आरोपीला पुरावे देऊन टाकणार, असं नितेश राणे यांनी सांगितलं.

कोणावरही विनयभंग आणि बलात्काराचा आरोप झाल्यावर त्यांना अटक करून चौकशी करावी लागते असं जजमेंट आहे. अन्य लोकांना जो न्याय तोच न्याय इतरांना असला पाहिजे. मग तो माजी मंत्री असू किंवा इतर कोणी, असंही राणे म्हणाले. यावर आदित्य ठाकरे यांनी आपली थोडक्यात प्रतिक्रिया दिली आहे. गेल्या पाच वर्षांपासून बदनामी प्रयत्न सातत्याने सुरु आहे. कोर्टात आहे कोर्टात बोलू, कोर्टात उत्तर देऊ, असं आदित्य ठाकरे म्हणाले.