आता बीडमधील अजून एक मारहाणीचा व्हिडीओ पुढे येतोय. हा व्हिडीओ बीडच्या अंबाजोगाई येथील असल्याचे कळतंय. शेतात नेऊन सेम स्टाईलने या मुलाला बेदम मारहाण केल्याचे व्हिडीओमध्ये दिसतंय. हेच नाही तर तुला खल्लासच करतो असे म्हणताना मारहाण करणारे दिसत आहेत. आता या तरुणाच्या मारहाणीचा व्हिडीओ मोठ्या प्रमाणात सोशल मीडियावर व्हायरल होताना दिसतोय. अत्यंत धक्कादायक असा हा व्हिडीओ आहे.
होलार समाजाचा कृष्णा साळे दस्तगीरवाडी येथील अल्पवयीन मुलास रिंगण करून बेदम मारहाण करण्यात आली. त्याचे पैसे घेतले, मोबाईल हिसकावला गेला. धक्कादायक म्हणजे पोलिसांनी गुन्हा दाखल करण्यास विलंब केला, असा आरोपही केला जातोय. बीड पोलिस अधीक्षकांनी या मारहाणीची तात्काळ दखल घ्यावी. सर्व आरोपीला अटक करण्याचे आदेश द्यावेत. आरोपीला पाठीशी घालणाऱ्या पोलीस अधिकाऱ्याचे निलंबन करावे.

तात्काळ आरोपीना अटक करून कायद्याचा जबर धाक दाखवला पाहिजे, असे दिपक केदार ऑल इंडिया पॅंथर सेना यांनी म्हटले. व्हायरल होणाऱ्या व्हिडीओमध्ये काहीजण मिळून या मुलाला मारहाण करत आहेत. हेच नाही तर एकाच वेळी तीन ते चार जण मिळून मारहाण करताना दिसत आहेत. कोणी डोक्यात, पाठीवर, मानेवर, पायावर, पोटात मारत आहे. यावेळी मारहाण करणाऱ्यांचा चेहरा हा स्पष्टपणे दिसतोय. व्हायरल होणाऱ्या व्हिडीओमुळे मोठी खळबळ निर्माण झालीये.