औरंगजेब क्रूर शासक होता, देवेंद्र फडणवीसही तेवढेच क्रूर आहेत.असं वक्तव्य हर्षवर्धन सपकाळ यांनी केलं आहे. त्या वक्तव्यावर उपमुख्यमंत्री…एकनाथ शिंदे यांनी सभागृहात थेट हर्षवर्धन सपकाळ यांच्यावर टीका केली. त्यानंतर दिल्लीत हर्षवर्धन सकपाळ प्रतिक्रिया देताना म्हणाले की माझ्या वक्तव्याची सरमिसळ केलीये. फडणवीसांची व्यक्ती म्हणून मी औरंगजेबाशी तुलना केली नाही, त्यांच्या कारभाराची तुलना केली. औरंगजेबाने जसा जिझिया कर लावला होता तसाच कर आता सरकारने लावला आहे. मी कुठलीही शिवीगाळ किंवा अपशब्द वापरलेला नाही त्यामुळे मी माफी मागणार नाही. मी शेंगाच खाल्ल्या नाही तर टरफलं का उचलू? असंही यावेळी हर्षवर्धन सपकाळ म्हणाले.दरम्यान यावर पुन्हा उपमुख्यमंत्री एकनाथ शिंदेंनीही प्रतिक्रिया दिली आहे. ते म्हणाले, मग याला उशीरा आलेलं शहाणपण म्हणायचं का? चूक केलीये तर माफी मागा.
