लासलगावच्या टाकळी विंचूरमध्ये राहणाऱ्या कल्याण मोकाटेचा झोपेतच मृत्यू झाला. कल्याणी रात्री नेहमीप्रमाणे तिच्या खोलीत झोपली होती. दुसऱ्या दिवशी सकाळी ती उठलीच नाही. घरच्या मंडळींनी तिला झोपेतून उठवण्याचा प्रयत्न केला. पण तिनं कोणताच प्रतिसाद दिला नाही. कल्याणी कोणतीच हालचाल करत नव्हती. त्यामुळे कुटुंबियांना चिंता वाटू लागली. त्यांच्या मनात शंकेची पाल चुकचुकली.
Nagpur Violence: गाड्या ओढून नेल्या अन् पेटवल्या; पोलिसांनी आम्हालाच शिव्या दिल्या; नागपुरातील महिलांचा संताप
कुटुबियांनी कल्याणीला तातडीनं जवळच्या रुग्णालयात दाखल केलं. डॉक्टरांनी तिला तपासून मृत घोषित केलं. त्यामुळे कुटुंबियांसह शेजाऱ्यांना धक्काच बसला. टाकळी विंचूरमध्ये राहणाऱ्या कल्याणीच्या मृत्यूचं नेमकं कारण शोधण्यासाठी शवविच्छेदन करण्यात आलं. त्यातून धक्कादायक उलगडा झाला.

कल्याणी मोकाटे झोपत एका पाठोपाठ एक असे हृदय विकाराचे ३ झटके येऊन गेले होते. त्यामुळेच तिची प्राणज्योत मालवली. कल्याणीच्या मृत्यूनं परिसरात हळहळ व्यक्त होत आहे. कल्याणीच्या घरात कोणालाच हृदय विकाराचा त्रास नाही. पण तरीही कल्याणीचा हृदय विकाराच्या झटक्यानं मृत्यू झाल्यानं तिच्या कुटुंबियांना धक्का बसला आहे. उच्च शिक्षित असलेली कल्याणी अविवाहित होती. तिच्या निधनानंतर पोलिसांनी आकस्मिक मृत्यूची नोंद केली आहे.