चहाच्या टपरीवर पैशांवरून झालेल्या वादानंतर शिवीगाळ तरुणासोबत शिवीगाळ झाला. त्यानंतर आरोपी आपल्या मित्रांसह थेट त्या तरुणाच्या घरापर्यंत पोहोचले आणि घराचं दार ठोठावू लागले. ते दरवाज्यात त्याचे वडील आले आणि त्यांनी सांगितलं की मुलगा घरी नाही. मात्र, याच दरम्यान आरोपींनी मोठे कोयते हातात घेतल्याचं स्पष्ट दिसत होते. हा प्रकार पाहून राहिवाशांमध्ये भीतीचे वातावरण पसरले आहे.

या घटनेचा व्हिडिओ समोर आल्यानंतर आंबेगाव पोलिस ठाण्यात गुन्हा दाखल करण्यात आला आहे. या प्रकरणात वरिष्ठ पोलीस निरीक्षक शरद पाटील यांनी स्वतः लक्ष घातले आहे.

या प्रकरणी अथर्व कुरले, प्रेम चिंचार, आणि स्वराज साळुंके यांच्यावर गुन्हा दाखल करण्यात आला असून त्यांना ताब्यात घेण्यात आले आहे. बळीराम सुतार यांनी पोलिस ठाण्यात फिर्याद दाखल केली आहे.

चहाच्या टपरीवर झालेला वाद

आंबेगाव पोलीस ठाण्याच्या हद्दीत असलेल्या आदित्य रांजण यांच्या टपरीवर फिर्यादी आणि आरोपी चहा पिण्यासाठी थांबले होते. यावेळी चहाच्या पैशांवरून वाद झाला, जो नंतर शिवीगाळीपर्यंत पोहोचला. या वादामुळे अथर्व कुरलेने राग मनात ठेवला आणि आपल्या मित्रांसह पहाटे बळीरामच्या घरी पोहोचला. मात्र, बळीराम घरी नसल्याने त्याच्या वडिलांनी आरोपींशी बोलण्याचा प्रयत्न केला. या वेळी आरोपींनी मोठा कोयता हातात घेतल्याचे सीसीटीव्ही फुटेजमध्ये स्पष्ट दिसते.

बळीराम कुठे आहे?” असे विचारल्यानंतर आरोपी आणि त्यांचे मित्र निघून गेले. संपूर्ण प्रकार सीसीटीव्ही कॅमेऱ्यात कैद झाला असून हा धक्कादायक प्रकार समोर आला आहे.

“गुन्हेगार थेट घरापर्यंत पोहोचत असतील, तर शहरात कायदा-सुव्यवस्था आहे का?” असा प्रश्न उपस्थित होत आहे. दरम्यान, व्हिडिओ व्हायरल झाल्यानंतर पोलिसांनी तत्काळ कारवाई करत गुन्हा नोंदवण्याचे काम सुरू केले आहे.