भारतीय सैन्य दलात सेवा बजावत असताना कोल्हापूरच्या शितूर तर्फ मलकापूर इथल्या सुनील गुजर यांचा अपघाती मृत्यू झाला. मणिपूर येथे भूस्खलन झाल्यानंतर रस्ता बनवत असताना सैन्य दलाचे वाहन 800 फूट दरीत कोसळून झालेल्या अपघातात गुजर यांचा शुक्रवारी मृत्यू झाला. चौथ्या दिवशी सुनील गुजर यांचं पार्थिव त्यांच्या शितुर तर्फ मलकापूर गावामध्ये आणण्यात आलं.यावेळी त्यांच्या अंत्यदर्शनासाठी गावासह पंचक्रोशीतील नागरिकांनी गर्दी केली होती. पार्थिव गुजर यांच्या राहत्या घरी आणतात त्यांचे वडील आई पत्नी आणि अन्य नातेवाईकांना अश्रू अनावर झाले.शासकीय इतमामात आणि शोकाकुल वातावरणात गुजर यांना अखेरची मानवंदना देण्यात आली.