Tax on Car Increased : चारचाकी खरेदीवरील टॅक्स वाढला असून याचा सर्वाधिक फटका पुणेकरांना बसणार आहे. जाणून घ्या किती लाखांच्या वाहनासाठी किती टॅक्स भरावा लागणार.
करोनानंतर सुरक्षित प्रवासासाठी चारचाकी घेण्याचे प्रमाण वाढत आहे. पुणे प्रादेशिक परिवहन विभागांतर्गत गेल्या वर्षी ६९ हजार चारचाकी खरेदी करण्यात आली आहे. राज्यात सर्वाधिक कार खरेदीमध्ये पुणे आघाडीवर आहे. या मधून ‘आरटीओ’ला कोट्यवधीचा महसूल मिळतो. आता राज्य सरकारने वाहनखरेदीवर आणखी कर वाढवल्यामुळे सर्वसामान्य खरेदीदाराला आर्थिक फटका असणार आहे. पुण्यात सर्वाधिक कार खरेदी होत असल्यामुळे पुणे आरटीओला चांगला महसूल मिळणार आहे.
असे आहेत कर
गेल्या वर्षी १० लाखांपर्यंत किमत असलेल्या चारचाकी वाहनांवर १९ टक्के खरेदी कर आकारला जातो. आता त्याच वाहन खरेदीवर १२ टक्के कर आकारण्यात येणार आहे. १० ते २० लाखापर्यंत १२ टक्के आणि २० लाखांच्या पुढील किमतीवर १३ टक्के वाहन खरेदी कर आकारला जात होता. आता एक टक्का कर वाढवल्यामुळे १० लाखांपर्यंत १२, १० ते २० लाखापर्यंत १३ आणि २० लाखांच्या पुढील चारचाकी किमतीवर १४ टक्के खरेदी कर आकारण्यात येणार आहे. त्यामुळे वाहन खरेदी करताना जादा पैसे द्या लागणार आहेत.
नवी नंबरप्लेट आवश्यक, RTO कडून ३१ मार्चपर्यंत मुदत; कोणत्या वाहनासाठी किती पैसे भरावे लागणार?
हौशींच्या खिशाला झळ
पुण्यातील गाड्यांच्या शौकिनांकडून ‘इम्पोटेंड’ गाड्या खरेदी करण्याचे प्रमाण जास्त आहे. त्यामध्ये प्रत्येक वर्षी वाढच होताना दिसत आहे. गेल्या वर्षी तीनशे पेक्षा जास्त इम्पोर्टेड गाड्या खरेदी करण्यात आल्या आहेत. चारचाकीमध्ये बीएमडब्ल्यू, ऑडी, रेंज रोव्हर अशा गाड्यांचा समावेश आहे. दुचाकीमध्ये हार्ले डेव्हिडसन, बीएमडब्ल्यू आणि उघुकाटी या गाड्यांच्या खरेदीला पसंती दिसत आहेत.
HSRP Plate Rules : वाहनाची खरेदी २०१९ नंतरची तरी साधीच नंबरप्लेट दिली, डिलरकडून उडवाउडवी; अशा परिस्थितीत काय कराल?
इम्पोटेंड गाड्यांसाठी गाडीच्या किमतीवर २० टक्के रक्कम सर्व्हिस चार्ज अथवा २० लाख रुपये रक्कम द्यावी लागत होती. मात्र, आता ही मर्यादा ३० लाख करण्यात आली आहे. त्यामुळे हौशींना एका गाडीसाठी दहा लाख रुपये जादा द्यावे लागणार आहेत. त्यामधून ‘आरटीओ’ ला चांगला महसूल मिळणार आहे.
Pune News : कार खरेदीवर टॅक्स वाढला, पुणेकरांना बसणार सर्वाधिक फटका, किती रुपयांच्या वाहनांसाठी किती कर भरावा लागणार?
कमर्शियल व्हेइकलला आकारला जाणारा आरटीओचा कर हा यापूर्वी वाहनाच्या वजनावर आकारला जात होता. आता १ एप्रिलपासून यापुढे ‘आरटीओ’ कर हा वाहनाच्या वजनावर सात टक्क्यांप्रमाणे आकारला जाणार आहे. यामुळे या वाढलेल्या रकमेचा बोजा सर्वसामान्य वाहनचालकांवर पडणार आहे. याचा आर्थिक फटका टेम्पोचालकांना बसणार आहे. सरकारने याबाबत पुनर्विचार करावा – डॉ. बाबा शिंदे, अध्यक्ष, महाराष्ट्र राज्य वाहन चालक-मालक प्रतिनिधी महासंघ
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा