Bird Flu In Solapur : सोलापूर शहरातील भविष्यात बर्ड फ्लूचा प्रसार इतरत्र होण्याची शक्यता नाकारता येत नाही, अशी भीती प्रशासनाने व्यक्त केली आहे. सोलापूर जिल्हाधिकारी कार्यालयाकडून प्रतिबंधात्मक उपाय योजना करण्यात आले आहेत. छत्रपती संभाजी महाराज तलाव परिसर व किल्लाबाग परिसर येथे सर्वेक्षण करण्यात येणार आहे.
सोलापूर जिल्हा प्रशासनाने केले प्रतिबंधात्मक उपाय
सोलापूर शहरातील भविष्यात बर्ड फ्लूचा प्रसार इतरत्र होण्याची शक्यता नाकारता येत नाही, अशी भीती प्रशासनाने व्यक्त केली आहे. सोलापूर जिल्हाधिकारी कार्यालयाकडून प्रतिबंधात्मक उपाय योजना करण्यात आले आहेत. छत्रपती संभाजी महाराज तलाव परिसर व किल्लाबाग परिसर येथे सर्वेक्षण करण्यात येणार आहे. हा दहा किलोमीटर त्रिज्येतील क्षेत्र हा सतर्क भाग म्हणून घोषित करण्यात आला आहे. बाधित क्षेत्राच्या ठिकाणी नागरिकांच्या हालचाली व इतर पक्षी व प्राण्यांच्या वाहतुकीस प्रतिबंध करण्यात आले आहे.
पशुसंवर्धन विभाग अलर्ट मोडवर
सोलापुरातील पशुसंवर्धन विभाग अलर्ट झाले आहे. आजारी पक्षांचे नमुने व मृत पक्षी तात्काळ तपासणीसाठी पाठवाले जात आहेत. पक्ष्यांचा पोस्टमार्टम अहवाल प्राप्त करून घ्यावा असेही जिल्हाधिकारी कार्यालयाकडून सांगण्यात आले आहे. मृत पक्षांची विल्हेवाट शास्त्रोक्त पद्धतीने लावण्यासाठी किमान तीन फूट खोल खड्डा करून त्यामध्ये चूना पावडर व पक्षी पुरण्याची प्रक्रिया पूर्वपरवानगीने करण्यात यावी. या आदेशाची प्रभावी अंमलबजावणी करण्यासाठी पोलीस बंदोबस्त पुरवण्यास आदेशात नमूद करण्यात आले आहे.
गेल्या काहि दिवसांपासून राज्यात बर्ड फ्लू च्या बातम्या वारंवार दिसून येत आहेत. आज (१४ फेब्रुवारी) धुळवडीचा दिवस आहे. त्यातही शुक्रवार आल्याने मांसाहार करणाऱ्या खवय्यांनी सकाळपासुनच मटणाच्या दुकानांवर गर्दी केल्याचे दिसून येत आहे. परंतु बर्ड फ्लू च्या भितीने नागरिकांची चिकनला कमीच मागणी असल्याने व्यापाऱ्यांचे नुकसान होत आहे.