Mother Ends Life After Throwing Daughter From Building: पनवेलमध्ये एका इमारतीच्या २९ व्या मजल्यावरुन पडून पत्नी आणि लेकीचा मृत्यू झाला आहे. या महिलेने स्वत: आपल्या चिमुकल्या मुलीला २९ व्या मजल्यवरुन फेकलं आणि मग स्वत: उडी घेतल्याचा आरो आहे.
लेकीला २९ व्या मजल्यावरुन खाली फेकलं अन्…
पळस्पे फाटा परिसरात असलेल्या नेक्सॉन मॅरेथॉनमधील औरा या भव्य टॉवरमध्ये ही खळबळजनक घटना घडली आहे. या बिल्डिंगमध्ये २९ व्या मजल्यावर राहणाऱ्या दुवा कुटुंबियांसोबत ही भयानक घटना घडली आणि क्षणार्धात संपूर्ण कुटुंबच उद्ध्वस्त झाले आहे. आशिष दुवा हे आपली पत्नी मैथीली दुवा( वय-३७ वर्ष) आणि मुलगी मायरा दुवा यांच्यासोबत येथे राहत होते. मात्र, अचानक ८ वर्षांची मुलगी मायरा २९ व्या मजल्यावरून खाली पडली आणि तात्काळ गतप्राण झाली. या प्रसंगी नखशिकांत हादरलेल्या आशिष दुवा यांनी आपल्या मुलीला पाहण्यासाठी लागलीच खाली धाव घेतली आणि क्षणार्धातच त्यांची पत्नी देखील वरून खाली पडली आणि त्यांच्या डोळ्यादेखतच मृत्युमुखी पडली. या घटनेने संपूर्ण परिसर हादरला आहे.
या घटनेनंतर आशिष दुवा यांनी पोलिसांना दिलेल्या माहितीनुसार, त्यांची पत्नी मैथिली हिची मानसीक अवस्था ठिक नव्हती. त्यातूनच अज्ञात कारणास्तव तिने ८ वर्षांच्या निष्पाप मायराला २९ व्या मजल्यावरून घराच्या बेडरूमच्या खिडकीतुन खाली फेकून देत तिचा जीव घेतला आणि त्यानंतर स्वतः देखील खाली उडी मारून आपले जीवन संपवले आहे.
या घटनेनेनंतर अनेक चर्चा या परिसरात ऐकावयास मिळत आहेत. या कुटुंबाच्या शेजारी राहणाऱ्या अनेकांनी या घटनेबाबत वेगवेगळे मत व्यक्त केले आहेत. शेजाऱ्यांच्या म्हणण्यानुसार दूवा पती- पत्नीमध्ये सातत्याने वाद आणि भांडणे होत होते. त्याच रागातून पत्नीने असे टोकाचे पाऊल उचलल्याचे बोलले जात आहे. या गूढ घटनेबाबत पनवेल शहर पोलीस ठाण्यात तक्रार नोंद झाली असून अधिक तपास पोलीस उपनिरीक्षक प्रियंका शिंदे करत आहेत.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा