होळी सण आणि रंगपंचमीच्या पार्श्वभूमीवर मुंबई पोलिसांनी नियमावली जारी केली आहे. सध्या मुस्लिम समाजाचा रमजान महिना सुरु आहे. त्यामुळे पोलिसांकडून होळी आणि धुलिवंदनासाठी खबरदारी घेत काही महत्त्वाचे नियम जारी करण्यात आले आहेत. ही नियमावली 12 मार्च ते 18 मार्चपर्यंत जारी असणार आहे.
Prashant Koratkar : कोर्टाने पोलिसांची मागणी फेटाळली, महापुरुषांबद्दल अपशब्दांचा प्रयोग करणाऱ्या प्रशांत कोरटकरला जेल की बेल?

होळीसाठी नेमकी नियमावली काय?

• होळीच्या दिवशी किंवा धुलिवंदनाच्या दिवशी देखील विविध कार्यक्रमांचं आयोजन करण्यात येतं. या दिवशी लाऊडस्पीकरवर गाणी लावली जातात. पण अशावेळी अश्लील गाणी लावण्यास बंदी आहे. अर्थात अश्लील गाणी लावणं हे अयोग्यच आहे. ते नैतिकतेत बसत नाही. पण तरीही अनेकांकडून अशाप्रकारचं विकृत कृत्य केलं जातं. ही बाब लक्षात घेऊन मुंबई पोलिसांनी अश्लील गाणी वाजवल्यास कारवाई करण्याचा इशारा दिला आहे.
• होळी आणि रंगपंचमी साजरा करत असताना समाजात तेढ निर्माण होईल, असं कृत्य करु नका, असं पोलिसांकडून आवाहन करण्यात आलं आहे.
• धुलिवंदनाच्या दिवशी अनेकांकडून बेशिस्तपणे वागलं जातं. काही जण रस्त्याने ये-जा करणाऱ्या अनोळखी व्यक्तीवर रंग फेकतात, अनेक जण अनोळखी व्यक्तीवर पाण्याचे फुगे किंवा पिशव्या फेकतात. यामुळे वाद होतो. त्यामुळे असे वाद टाळण्यासाठी मुंबई पोलिसांनी नियमावली जारी केली आहे. अनोळखी व्यक्तींवर रंग फेकल्यास कारवाई केली जाईल, असं पोलिसांकडून बजावण्यात आलं आहे.
• होळी साजरा करण्यासाठी काही परिसरात तरुणांकडून सार्वजनिक वर्गणी मागितली जाते. यासाठी जबरदस्ती देखील केली जाते. पण होळी आणि रंगपंचमीनिमित्त जबरदस्ती वर्गणी मागणाऱ्यांवरही कारवाई केली जाणार आहे.
• पोलिसांची सर्वात महत्त्वाची देखील सूचना केली आहे. रंगाने किंवा पाण्याने भरलेले फुगे फेकल्यास कारवाई होईल, असा इशारा पोलिसांनी दिला आहे.