Youth Burned The Bikes : दुचाकींना अज्ञात व्यक्तीने आग लावल्याचे मध्यरात्री समजल्यानंतर सोसायटीतील रहिवाश्यांनी इमारतीतील सिसिटीव्ही तपासला. सिसिटीव्हीमध्ये ही वाहने सोसायटीमध्ये रहिवाशी असलेल्या स्वप्नील पवार याने पेटवल्याचे दिसून आले.
याबाबत पोलिसांनी दिलेल्या माहितीनुसार, स्वप्नील पवार हा तरुण उच्चं शिक्षित आहे. मात्र तो मोठ्या प्रमाणावर व्यवसानाच्या आहारी गेला आहे. आईने नशेसाठी पैसे न दिल्याने त्याला राग अनावर झाला आणि त्याने रागाच्या भरात सोसायटीमधील वाहने पेटवून दिली. दुचाकींना अज्ञात व्यक्तीने आग लावल्याचे मध्यरात्री समजल्यानंतर सोसायटीतील रहिवाश्यांनी इमारतीतील सिसिटीव्ही तपासला. सिसिटीव्हीमध्ये ही वाहने सोसायटीमध्ये रहिवाशी असलेल्या स्वप्नील पवार याने पेटवल्याचे दिसून आले. त्यानंतर सोसासटीमधील नागरिकांनी त्याच्याविरोधात तक्रार दिल्यानंतर सांगवी पोलिसांनी त्यास अटक केली आहे.
याबाबत संबंधित मुलाच्या पालकांनी देखील पोलिसांकडे तक्रार केली आहे. आमचा मुलगा उच्चशिक्षित आहे. मात्र तो व्यसनाच्या आहारी गेल्याने असे कृत्य करतो. तसेच पैसे न दिल्यास कुटुंबाला जीवे मारण्याच्या धमक्या देत असल्याचे स्वप्नीलच्या आईने म्हटले आहे. त्याला सोडू नका अन्यथा तो आणखी असेच उद्योग करेल, अशी विनंतीही त्याच्या आईने पोलिसांकडे केली आहे. याप्रकरणी सांगवी पोलीस अधिक तपास करत आहेत.
पुणे आणि पिंपरी चिंचवड शहरात गुन्हेगारीच्या घटना दिवसेंदिवस वाढतांनाच पहायला मिळत आहेत. मात्र अशा गोष्टींना आळा घालण्यासाठी नागरिकांसहीत पोलिसांनी सतर्क राहणे अत्यंत गरजेचे आहे. दरम्यान, ट्र्रॅफिक सिग्नलवर लघुशंका आणि अश्लिल वर्तन करणाऱ्या गौरव अहुजाची पोलिसांनी धिंड काढली आहे. पैशाचा माज असणाऱ्या आणि समाजासाठी घातक ठरणाऱ्या अशा विकृत तरुणांवर कठोरात कठोर कारवाई करुन त्यांना वठणीवर आणण्याची मागणी सर्वसामान्य जनतेकडून होत आहे.