Nagpur Car Driver E Challan for No Helmet : वाहनचालकांमध्ये वाहतुकीची शिस्त यावी, यासाठी वाहतुकीची नियमावली तयार करण्यात आली आहे. याची अंमलबजावणी व्हावी, यासाठी वाहतूक पोलिसांकडून विशेष मोहीम राबविण्यात येते. सुरक्षित आणि शिस्तबद्ध वाहतूक व्यवस्था राखण्यासाठी या नियमांची अंमलबजावणी होणे आवश्यक आहे. मात्र, नियम न तोडताही वाहतूक विभागाकडून चुकीचे चालान येत असल्याने वेगळीच समस्या निर्माण झाली आहे.
वाहनचालकांमध्ये वाहतुकीची शिस्त यावी, यासाठी वाहतुकीची नियमावली तयार करण्यात आली आहे. याची अंमलबजावणी व्हावी, यासाठी वाहतूक पोलिसांकडून विशेष मोहीम राबविण्यात येते. सुरक्षित आणि शिस्तबद्ध वाहतूक व्यवस्था राखण्यासाठी या नियमांची अंमलबजावणी होणे आवश्यक आहे. मात्र, नियम न तोडताही वाहतूक विभागाकडून चुकीचे चालान येत असल्याने वेगळीच समस्या निर्माण झाली आहे.
उल्लंघन करणारे मोकाटच
यापूर्वी पांडे लेआउटला आणि आता हजारीपहाड येथे राहणाऱ्या ६४ वर्षीय श्याम बोबडे यांना हेल्मेट घातले नाही म्हणून कारवाईची नोटीस प्राप्त झाली. ‘वाहतूक नियमांचे उल्लंघन करून तुम्ही मोटार वाहन अधिनियमांच्या तरतुदीनुसार शिक्षापात्र व तडजोडपात्र अपराध केला. १ हजार रुपयांचा दंड भरला नाही तर न्यायालयात खटला दाखल केला जाऊ शकतो’, असा उल्लेख या नोटिशीत आहे. ही नोटीस वाचून बोबडे यांना धक्का बसला. त्यांच्याकडे कार (एमएच ३१ : सीपी २४९४) असताना त्यांना दुचाकीवर हेल्मेट घातले नाही म्हणून चालान आले. मात्र, ज्यांनी प्रत्यक्ष उल्लंघन केले ते दुचाकीचालक मोकाटच आहेत. त्यांना कुठलाही दंड ठोठावण्यात आलेला नाही.
Maharashtra ST : प्रताप सरनाईकांकडे पुन्हा एसटीचं स्टिअरिंग, देवेंद्र फडणवीसांनी महिन्याभरात निर्णय बदलला
असा झाला घोळ
ज्या दुचाकीने उल्लंघन केले, तिचा फोटो डाउनलोड करून तपासला असता त्यावर ‘एमएच ४० सीपी २४९४’ असा नंबर आहे. वाहतूक पोलिसांनी मात्र नोटीस पाठविताना ‘एमएच ४०’ऐवजी ‘एमएच ३१’ असा उल्लेख केल्याने दुसऱ्याच व्यक्तीला ही नोटीस प्राप्त झाली. वाहतूक पोलिसांकडून होत असलेल्या दुर्लक्षामुळे असे प्रकार वाढले असल्याचे पुढे येत आहे. काही प्रकरणांत बनावट नंबरप्लेटमुळेही घोळ होत असल्याचे तज्ज्ञांचे म्हणणे आहे. वाहतूक पोलिसांनी चालान पाठविताना खातरजमा करायला हवी. योग्य पडताळणी केली असती तर असा गोंधळ टाळता आला असता, असे जिल्हा ग्राहक तक्रार निवारण आयोगाचे माजी सदस्य अविनाश प्रभुणे म्हणाले.
Devendra Fadnavis : ‘स्वच्छ’ OSD साठी मुख्यमंत्री आग्रही, फडणवीसांचा खास माणूस लावणार चाळणी, भाजपच्या मंत्र्यांनाही फटका
वयोमानाने मला आता जास्त फिरता येत नाही. त्यात हे उन्हाळ्याचे दिवस आहेत. त्यामुळे या चुकीच्या चालनामुळे होणाऱ्या मनस्तापाची भरपाई कोण देणार, असा सवाल श्याम बोबडे यांनी उपस्थित केला. अकोला येथे राहणाऱ्या गजानन रायलकर यांनाही हेल्मेट घातले नाही म्हणून जानेवारी २०२१ मध्ये अशीच नोटीस आली होती. त्यावर त्यांच्या कारचा नंबर होता. चार वर्षे त्यांना हा त्रास झाला. अखेर जानेवारी २०२५ मध्ये ही नोटीस रद्द झाली, असा अनुभव त्यांनी सांगितला.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा