धनंजय देशमुख काय म्हणाले?

वाढदिवसानिमित्त वन्य प्राण्यांना चारा पाण्याची व्यवस्था करायची त्याचबरोबर जे अनाथ आश्रम आहेत त्या ठिकाणच्या मुलाना दत्तक घ्यायचे, जे वन्यजीव प्रकल्प आहेत त्या वन्यजीव प्रकल्पाच्या ठिकाणी जे औषध उपचार लागणार आहेत. त्यासाठी ते मेडिसिन त्या ठिकाणी द्यायचे आणि मी माझ्या जन्मदिनाच्या दिवशी एक संकल्प केला आहे की, मी देहदानाचा संकल्प केला आहे त्याचा मी अर्ज आंबेजोगाई येथील उपजिल्हा रुग्णालय येथे भरून दिला आहे. माझ्या भावाचा लढा आहे त्यासाठी मी हा संकल्प केलेला आहे, आणि माझ्या भावासाठी मी न्याय मिळवण्यासाठी लढणार आहे आणि एवढेच नाही तर मी या दुष्ट प्रवृत्ती हटवण्यासाठी मी लढणार आहे. यासाठी मला तुम्ही सर्वांनी मदत केली आहे.

संतोष देशमुख यांच्या हत्या प्रकरणात पोलिसांनी १५०० पेक्षा जास्त पानांचे आरोपपत्र दाखल केले आहे. यामध्ये अनेक खुलासे होताना दिसत आहेत. वाल्मिक कराड याला क्रमांत एकचा आरोपी केलं असून त्याचा हत्येमध्ये कसा सहभाग होते स्पष्टपणे नमूद करण्यात आले आहे. त्यासोबतच संतोष देशमुखांची हत्या करताना आरोपींनी काढलेले फोटोही त्यामध्ये आहेत. संतोष देशमुखांनी मारहाण होत असताना आरोपींना हात पाय तोडा पण मला मुलीसाठी जगू द्या, अशी विनंती केलेली. पण उलट्या काळजाच्या आरोपींनी त्यांना जिवंतपणी असह्य मरणयातना देत तडपवून संपवलं. या प्रकरणामध्ये माजी मंत्री धनंजय मुंडे यांना सहआरोपी करण्याची मागणी मनोज जरांगे यांनी केली आहे.