Pune Rape Case: पुणे तरुणी बलात्कार प्रकरणातील आरोपी दत्ता गाडे सध्या पुणे पोलिसांच्या ताब्यात आहे. त्याचा १२ मार्चपर्यंत पोलीस कोठडी सुनावण्यात आली आहे. आज पोलिसांचं पथक त्याला घेऊन गुणाट गावी गेली होती.
स्वारगेट बलात्कार प्रकरणात दररोज नवीन नवीन घडामोडी घडताना पहायला मिळत आहेत. पोलिसांकडून या प्रकरणाचा योग्य तपास करण्याचा प्रयत्न सुरु आहे. या प्रकरणी काही प्रश्न अनुत्तरीत असल्याने त्याचं उत्तर शोधण्याचा प्रयत्न पोलीस करत आहेत.
पोलिसांच्या २० जणांच्या टीमसह दत्ता गाडे गुणाट गावात
दत्ता गाडेच्या मोबाईलमधून जवळपास सर्वचं गोष्टींचा उलगडा होईल असे बोलले जातं आहे. दत्ता गाडेला जवळपास २० जणांच्या टीमसोबत आणण्यात आले असल्याची माहिती सूत्रांकडून देण्यात आली आहे. दत्ता गाडे याने त्याच्या मोबाईल मधून कोणणाकोणाला फोन केले. त्याने मोबाईलमधून कुणाला किती पैसे पाठवले याचा तपास केला जात आहे. तसेच, मोबाईलमधून व्हिडिओ काढून तो महिलांना ब्लॅकमेल करायचा का? याचा देखील तपास पोलिसांकडून केला जाणार आहे.
स्वारगेट येथे तरुणीवर अत्याचार केल्यानंत्तर दत्ता गाडे हा आपल्या गुणाट या गावी आला होता. हा प्रकार माध्यमांवर आल्यानंतर त्याने गावातून पलायन केले होते. ७० तासांच्या अथक प्रयत्ननंतर त्याला पकडण्यात पोलिसांना यश आले होते. पोलिसांनी त्याला गावातील उसाच्या शेतातून पोलिसांनी अटक केली होती.
पोलिसांनी आज गुणाट गावात येऊन स्थानिक नागरिकांची चौकशी देखील केली असल्याची माहिती समोर येत आहे. दत्ता गाडे याने ज्या ठिकाणी मोबाईल फेकून दिला आहे. त्या जागेचा शोध घेण्यासाठी पोलिसांनी त्याला आज गुणाट गावी आणल्याचे बोलले जातं आहे. गाडेच्या मोबाईलमधून आता कोणकोणत्या गोष्टींचा खुलासा होतो. कोणत्या गोष्टी समोर येतात हे पाहणे महत्वाचे ठरणार आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा