नेमकं काय घडलं?

मुंबईतील विले पार्ले येथील एका लोकप्रिय हॉटेलमध्ये ४१ वर्षीय तरुणाने आत्महत्या केली. हॉटेलच्या खोलीत तरुणाचा मृतदेह लटकलेल्या अवस्थेत आढळला. त्यानंतर पोलिसांना याबाबत माहिती देण्यात आली. निशांत त्रिपाठी असं तरुणाचं नाव असल्याचं समोर आलं आहे.
हॉटेलमध्ये चिकन खाल्लं, असं काही घडलं की कुटुंबाला बसला ८ लाखांचा फटका; कुर्ल्यात महिलेसोबत काय घडलं?
पोलिसांनी दिलेल्या माहितीनुसार, निशांतने आत्महत्या केल्यानंतर त्याच्या मोबाईलमध्ये एक सुसाइट नोट आढळली. या नोटमध्ये पत्नी अपूर्वा पारिक आणि मावशी प्रार्थना मिश्रा, या दोन महिलांची नावं लिहिलेली दिसली. या दोघी आपल्या मृत्यूसाठी कारणीभूत, जबाबजार असल्याचं त्याने नोटमध्ये लिहिलं आहे.
Chalisgaon News: ‘मैत्रिणींनो मस्त जगा, कोणता दिवस शेवटचा असेल…’ मृत्यूपूर्वी विवाहितेची काळीज पिळवटून टाकणारी पोस्ट
त्याने सुसाइड नोटमध्ये लिहिलंय, ‘तु जोपर्यंत ही नोट वाचशील, तोपर्यंत मी नसेन. मी तुझा तिरस्कार करू शकत होतो, पण मी केला नाही. या क्षणी, मी प्रेम निवडलं. मी तुझ्यावर तेव्हा पण प्रेम केलं होतं, आताही तुझ्यावर प्रेम करतो. मी दिलेले वचन कधीच संपणार नाही. माझ्या आईला माहित आहे की मी कोणत्या परिस्थितीतून गेलो आहे. त्याला तू आणि प्रार्थना मावशी देखील जबाबदार आहेत. कृपया तिला आता त्रास देऊ नका, ती आधीच कोलमडून गेली आहे.’

लेकाच्या आत्महत्येनंतर मुलाची आई नीलम चतुर्वेदी (६४) यांनी पोलिसांत तक्रार केली आहे. नीलम चतुर्वेदी यांच्या तक्रारीनंतर आणि सुसाईड नोटच्या आधारे पोलिसांनी निशांतची पत्नी अपूर्वा पारिक आणि मावशी प्रार्थना मिश्रा यांच्याविरुद्ध बीएनएस कलम १०८ अंतर्गत गुन्हा दाखल केला असून घटनेचा तपास सुरू आहे. निशांत मानसिक तणावाखाली होता की प्रत्यक्षात त्याचा काही छळ झाला होता, याचा तपास पोलीस करत आहेत. मात्र, पोलीस पत्नी आणि मावशीला नोटीस बजावून दोघांची चौकशी करणार आहेत. या प्रकरणी सध्या कोणालाही अटक करण्यात आलेली नाही.