Allegation on Satish Bhosale – सतीश भोसले याचा मारहाणी व्हिडिओ व्हायरल झाल्यानंतर त्याचे अनेक कारनामे पुढे येत आहेत. आता वन्यजीवप्रेमींनी त्याच्यावर गंभीर आरोप केले आहेत.
खोक्या भाईचा आणखी एक कारनामा
बीडच्या शिरूर तालुक्यातील सतीश भोसलेचा धक्कादायक कारनामा समोर आला आहे. आत्तापर्यंत त्याने शेकडो वन्य जीव, हरिण काळवीट, ससे आणि मोरांची शिकार केली. असल्याचा आरोप वन्यजीवप्रेमी आणि सामाजिक कार्यकर्त्यांनी केला आहे. जवळपास 200 हून अधिक हरीण आणि काळवीट मारले आहेत. तसेच हरणांच्या पार्ट्या केल्याचे अवशेषही सापडत असल्याचा गंभीर आरोप केला आहे. तसच हरणांच्या अवशेष असल्याचा दावा वन्यजीव प्रेमी माऊली शिरसाठ यांनी केला आहे.
सतीश भोसलेने केलेली मारहाणसतीश आणि त्याच्या सहकारी यांनी मारहाण केलेल्या दिलीप ढाकणे यांच्या शेतात हरण पकडत होते. . त्याला ढाकणे यांनी विरोध केला. तेव्हा सतीश आणि त्यांच्या सहकाऱ्यांनी त्यांना आणि त्यांच्या मुलाला मारहाण केली. ज्यात ढाकणे याचे आठ दात तुटले तर मुलाच्या पायला जबरदस्त मार लागला ज्यामुळे त्याला चालताही येत नाही आहे. याविरोधात पोलिसात तक्रार करायला गेल्यास पिता पु्त्रांना हकलण्यात आले असा आरोप ग्रामस्थांनी केला आहे. सतीश भोसलेचा आका हे सुरेश देशमुख असल्याचेही ग्रामस्थ सांगत आहेत.सतीशला अद्यापही अटक झाली नाही त्यामुळे ग्रामस्थ संतप्त आहेत. तसेच पोलिसांची दोन विशेष पथके त्याचा शोध घेत आहेत.