वैभवी म्हणाली, ते फोटो पाहून माझं कुटुंब व संपूर्ण महाराष्ट्र हळहळ व्यक्त करत आहेत. प्रत्येकालाच याचं दुःख आहे. मला हा प्रश्न पडला, हे घडतंय कशामुळे? सर्वांनाच वाटतंय की हा प्रकार खंडणीमुळे झाला. ज्या खंडणीमुळे माझ्या वडिलांची हत्या झाली, ती नेमकी जात कोणाकडे होती. कोण खंडणी मागायला जायचं, त्यांच्या वरदहस्ताशिवाय हे होऊ शकलं नसतं. ते फोटो पाहून आम्ही निशब्द आहोत.

‘गुन्हेगारांवर वरदहस्त कोणाचा आहे? पोलीस प्रशासन देखील काही करु शकत नाही, ही खंत आहे. क्रुर पद्धतीने माझ्या वडिलांना मारहाण केली, असे असताना हे आरोपी धिंगाणा घालत आहेत, हसतायत. हे जे अमानुष कृत्य ज्यांनी केलं त्यांना तोंड नाहीये बोलायला,’ अशा शब्दांत वैभवीने भावना व्यक्त केली,

पुढे ती म्हणाली, आमच्या कुटुंबावर जी वेळ आली ती इतर कोणावर येऊ नये. माझे वडील बोलतायत मला माझ्या मुला मुलींसाठी जगू द्या, मला माझ्या गावाला पुढे न्यायचं आहे. एवढी तळमळ करताना देखील ते आरोपी असं करतात, कोणाचा वरदहस्त असल्याशिवाय हे असं करु शकत नाहीत, असा आरोपही वैभवीने केला आहे. ज्यांचा वरदहस्त आहे त्यांच्यावर कठोर कारवाई व्हावी, अशीही मागणी वैभवीने सरकारकडे केली आहे.