आदित्य ठाकरे यांनी नितेश राणेंवर कधी जास्त तीव्रतेने टीका केलेलं फार कमी बघायला मिळालं आहे. पण नितेश राणे यांच्याकडून अनेकदा आदित्य ठाकरे आणि त्यांचे वडील उद्धव ठाकरे यांच्यावर सडकून टीका करण्यात आली आहे. एकदा अधिवेशनावेळी तर नितेश राणे यांनी अधिवेशनाच्या पायऱ्यांवर आंदोलन करत असताना आदित्य ठाकरे समोर आल्यावर म्याव.. म्याव असं म्हणत टिंगल देखील केल्याची एक आठवण आहे. यानंतर दिशा सालियन मृत्यू प्रकरणावरुन राणे पिता-पुत्रांकडून आदित्य ठाकरे यांच्यावर अतिशय गंभीर आरोप करण्यात आले आहेत.
Maha Vikas Aghadi : मविआच्या गोटातली मोठी बातमी, उद्धव ठाकरे आणि शरद पवार अ‍ॅक्शन मोडमध्ये, आमदारांची बोलावली बैठक, काय घडतंय?
या सगळ्या घटनानंतर आदित्य ठाकरे आणि नितेश राणे आज अचानक एकमेकांसमोर आले. आदित्य ठाकरे आणि नितेश राणे एकमेकांसमोर आले तर काय घडलं असेल? हे जाणून घेण्याची उत्सुकता प्रत्येकाला असेल. यावेळी काय घडलं? ते सविस्तर जाणून घेऊयात.

आदित्य ठाकरे आणि नितेश राणे समोरासमोर आल्यावर काय घडलं?

सध्या राज्य विधिमंडळाचे अर्थसंकल्पीय अधिवेशन मुंबईत सुरू आहे. परभणी प्रकरण असो, अथवा बीड प्रकरण असो, विधिमंडळात गरमागरम चर्चा होताना पाहायला मिळत आहे. मंत्री धनंजय मुंडे यांच्या राजीनाम्याची चर्चा अजून संपलेली नाहीय. मात्र आज एका भलत्याच प्रकरणाची विशेष चर्चा विधिमंडळाच्या आवारात होताना पाहायला मिळाली.
Ladki Bahin Yojana : लाडक्या बहिणींना 2100 रुपये कधीपासून मिळणार? मंत्री आदिती तटकरे यांचं मोठं वक्तव्य
त्याचं झालं असं की विधिमंडळ अधिवेशनाचे आजचे कामकाज संपवून आमदार आदित्य ठाकरे घराकडे निघालेले होते, आणि मंत्री नितेश राणे जेवण करून विधिमंडळाच्या आवारात प्रवेश करत होते. आमदार आदित्य ठाकरे यांची बाईट घेण्यासाठी प्रसारमाध्यमांचे प्रतिनिधी धडपड करत होते. तेवढ्यातच मंत्री नितेश राणे आणि आदित्य ठाकरे एकमेकासमोर आले. आदित्य ठाकरे प्रसारमाध्यमांच्या प्रतिनिधींना मागे बघ मागे बघ असं म्हणताना दिसून आले. मात्र मागून येणारे नितेश राणे अवाक झाले. कदाचित आमदार आदित्य ठाकरे मलाच हे म्हणतात की काय अशी त्यांची धारणा झाली. मात्र दोघांनी स्मित हास्य करत मार्गक्रमण केलं.