विधानसभा उपाध्यक्षपदी राष्ट्रवादी काँग्रेस एससी चेहरा देणार असल्यानं राजकुमार बडोलेंचं नाव आघाडीवर आहे. बडोलेंच्या माध्यमातून राजकीय, सामाजिक आणि भौगोलिक समतोल राखण्याचा प्रयत्न राष्ट्रवादी काँग्रेसकडून सुरु आहे. विशेष म्हणजे ते आधी भाजपमध्ये होते. विधानसभा निवडणुकीच्या अगदी तोंडावर त्यांनी पक्ष बदलला. ते उपमुख्यमंत्री अजित पवारांच्या राष्ट्रवादी काँग्रेसमध्ये गेले.
Swargate Rape Case: दोघे महिन्याभरापासून संपर्कात, गाडेच्या वकिलांचा दावा; पोलिसांनी CDR काढले, हाती काय लागले?
राजकुमार बडोले नेमके कोण?
२८ मार्च १९६३ रोजी जन्मलेले राजकुमार बडोले पेशानं सिव्हिल इंजिनीअर आहेत. राज्याच्या सिंचन विभागात विभागीय अभियंता म्हणून त्यांनी काम केलं आहे. १९८५ ते २००८ या कालावधीत ते सरकारी सेवेत होते. बुलढाण्यात त्यांनी काम केलं. त्यानंतर ते राजकारणात आले. अर्जुनी मतदारसंघातून ते २००९ मध्ये भाजपच्या तिकिटावर विजयी झाले. २०१४ मध्ये ते पुन्हा निवडून आले. त्यांना सामाजिक न्याय मंत्रिपदाची जबाबदार देण्यात आली.
Swargate Rape Case: लॉजबाहेर बसायचा, ‘त्या’ महिलांवर नजर ठेवायचा अन्…; दत्ता गाडेची मोडस ऑपरेंडी उघड
२००९ आणि २०१४ मध्ये विजयी झालेले बडोले २०१९ मध्ये पराभूत झाले. राष्ट्रवादी काँग्रेसच्या मनोहर चंद्रिकापुरे यांनी बडोलेंचा केवळ ७१८ मतांनी पराभव केला. पण २०२४ मध्ये अजित पवारांनी चंद्रिकापुरेंचं तिकीट कापलं. त्यांच्या जागी निवडणुकीआधी पक्षात आलेल्या बडोलेंना संधी देण्यात आली. बडोलेंनी १६ हजार ४१५ मतांनी बाजी मारली आणि तिसऱ्यांदा आमदार झाले. त्यानंतर आता बडोले थेट विधानसभा उपाध्यक्षपदाच्या शर्यतीत आहेत. पक्षातील बड्या नेत्यांना मागे सारुन ते शर्यतीत आघाडीवर आहेत.