याबाबत एपीबी माझाशी बोलताना राष्ट्रवादी शरद पवार गटाच्या खासदार सुप्रिया सुळे यांनी संताप व्यक्त केला आहे. “सरकारने पहिल्यांदा या आरोपींना फास्ट ट्रॅकमध्ये हा खटला चालवून यांना चौकात फाशी दिली पाहिजे. जेव्हा या सगळ्या घटना बीडमध्ये घडत होत्या, तेव्हा सरकारची यंत्रणा कोणाला लपवत होती, हे सारं बीड जिल्ह्यात कोण चालवत होतं हे महाराष्ट्राला कळायला हवं. याचं उत्तर साऱ्यांना माहिती आहे, मग सरकारला हे उत्तर माहिती नाहीये?” असा सवाल सुप्रिया सुळे यांनी केला.
Santosh Deshmukh: निपचित पडलेले देशमुख अन् आसुरी हसणारे मारेकरी; सरपंच हत्येचे काळजाचा थरकाप उडवणारे फोटो समोर

सुप्रिया सुळे काय म्हणाल्या?

“वाल्मिक कराडवर जेवढे गुन्हे दाखल झाले आहेत, त्यापैकी दोन त्यांनी फायनल चार्जशीटमधून वगळले आहेत. त्याबाबत मी ट्विट केलं आहे. यांचे सीडीआर का सापडत नाहीये. कोण कोणाशी बोलत होतं ते कळायला हवं. कृष्णा आंधळे अजूनही फरार आहे. त्याचा सीडीआर का काढला जात नाही. फोन मिळत नाही, माणूस मिळत नाही, काय हवा में उड गया वो. कुठे गेला तो माणूस, गायब झाला. ७५ दिवस झाले तो सापडत का नाही, असे मोठे प्रश्न आहेत. यांच्यामागे यंत्रणा कोणाची होती, कोण माणूस होता, कोणाची ताकद होती, कुणाच्या जीवावर हे करत होते, हे कळायला हवं”.
Santosh Deshmukh Case : ‘आम्ही जगू शकणार नाहीत, सर्व फोटो डिलीट करुन टाका’, धनंजय देशमुखांची प्रसारमाध्यमांना विनंती
“नैतिकतेवर हे कधीच राजीनामा देणार नाही, त्यांची कधी नैतिकतेशी गाठच पडली नाही. सर्व पक्षांनी त्यांचा राजीनामा मागितला आहे. हा राजकीय नाही तर सामाजिक विषय आहे. इतके मोठे नेते, यापैकी कोणालाहीच वाटलं नाही की त्यांनी एकदा बीडमध्ये जाऊन त्यांच्या कुटुंबाला भेट द्यावी. पालकमंत्री पद हवं होतं, पण त्यांच्याकडे जाण्याची हिमंत झाली नाही, कारण ते गिल्टी आहेत”.

“काय नाही केलं त्यांनी,भ्रष्टाचार, खंडणी, खून, शेतकऱ्यांना फसवलं, पीक विम्यात पैसे काढले, कौंटुबिक हिंसाचार झाले, अजून कुठला गुन्हा राहिलाय, त्यांना का सौ खून माफ आहे. याचं उत्तर सरकारला द्यावं लागेल. महाराष्ट्राच्या सहनशीलतेचा अंत पाहातंय सरकार”, असं म्हणत सुप्रिया सुळेंनी आपला संताप व्यक्त केला.