Mahavitaran : केंद्रीय ऊर्जा मंत्रालयाच्या वार्षिक अहवालानुसार महावितरणची राष्ट्रीय पातळीवर मोठी पिछेहाट झाली असून, ती ५२ व्या स्थानी आहे. स्पष्ट केलेल्या आकडेवारीनुसार, अदानी इलेक्ट्रिसिटी मुंबई लिमिटेड सलग दुसऱ्यांदा अग्रणी ठरली आहे, तर ‘बेस्ट’ उपक्रम ८व्या स्थानी पोहोचला आहे.
महावितरणला मोठा धक्काच
वीज वितरण कंपन्यांना विविध पातळ्यांवर स्वत:ला तपासून त्यानुसार बदल करता येण्यासाठी केंद्रीय वीज मंत्रालयाकडून दरवर्षी वीज वितरण कंपन्यांचा विविध प्रकारचा अभ्यास करून त्यानुसार अहवाल तयार केला जातो. २०२४ वर्षाचा हा अहवाल अलीकडेच प्रकाशित झाला. त्यात महावितरण कंपनीची कमालीची पिछेहाट झाल्याचे समोर आले आहे.
माधवी पुरींवर गुन्हा नोंदवा, कोर्टाचे आदेश, शेअर बाजारातील घोटाळा प्रकरण भोवले?, सहा अधिकारी अडचणीतमहावितरण थेट ५२ व्या शेवटच्या स्थानी
देशभरातील एकूण ५२ वीज वितरण कंपन्यांमध्ये महावितरण फक्त १.५० गुण व ‘उणे क’ या श्रेणीसह ५२ व्या स्थानी आहे. गेल्या वर्षी कंपनी १५.५० गुणांसह ४२व्या स्थानी होती, हे विशेष. मुंबईत सर्वाधिक ३१ लाख ग्राहकांना वीज वितरण करणारी अदानी इलेक्ट्रिसिटी मुंबई लिमिटेड (एईएमएल) ही कंपनी यंदा सलग दुसऱ्यांदा अग्रणी राहिली आहे. कंपनीने ९९.८० गुण प्राप्त केले आहे. मागील वर्षीच्या अहवालापेक्षा त्यात .१० गुणांची घट झाली आहे.
केंद्रीय ऊर्जा मंत्रालयाच्या वार्षिक अहवालात माहिती पुढे
या अहवालात ११ सरकारी उपक्रमांच्या वीज वितरणाचे स्वतंत्र मानांकन तयार करण्यात आले आहेत. त्यामध्ये मुंबईत दहा लाख ग्राहकांना वीज देणारे ‘बेस्ट’ उपक्रम ५७.९० गुणांसह आठव्या स्थानी आहे. त्यांच्या मानांकनात सुधारणा झाली आहे. गेल्या अहवालात ‘बेस्ट’ ला ४४.३० गुण होते. केंद्रीय ऊर्जा मंत्रालयाच्या वार्षिक अहवालानंतर हा अत्यंत मोठा धक्काच महावितरणचा बसल्याचे स्पष्ट झालंय. अदानी इलेक्ट्रिसिटी मुंबई लिमिटेड थेट अग्रणी स्थानी गेले आहे. बेस्ट उपक्रम देखील आठव्या स्थानी राहिल्याचे स्पष्ट दिसत आहे. अदानी इलेक्ट्रिसिटी सलग दुसऱ्यांदा अग्रणी स्थानी कायम राहिली आहे.
लेखकाबद्दलशितल मुंढेमहाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. राजकीय, मनोरंजन, शिक्षण आणि क्राईम बातम्यांमध्ये विशेष आवड. लोकमत आणि टीव्ही 9 मराठीसह पत्रकारिता क्षेत्रात 6 वर्षांचा अनुभव.… आणखी वाचा