व्हिडीओमध्ये कोरटकर छत्रपती शिवाजी महारांना हार घालून त्यांच्या चरणाशी नतमस्तक होताना दिसत आहे. यावेळी तो म्हणतो, ‘हिंदवी स्वराज्याचे सरसंस्थापक छत्रपती शिवाजी महाराज, धर्मवीर संभाजी महाराज यांच्या शोर्य कथा ऐकून आम्ही लहानाचे मोठे झालो. आजही त्यांच्या कथा सर्वांसाठी प्रेरणादायी आहे. अशाच शिवरायांना मी मानाचा मुजरा करतो, जय शिवराय, जय जिजाऊ,जय महाराष्ट्र’ असे वक्तव्य कोरटकरने व्हिडीओच्या माध्यमातून केले.
Prashant Koratkar: प्रशांत कोरटकरकडे आलिशान रोल्स रॉईस आली कुठून? महागड्या कारचं मोतेवार कनेक्शन समोर
दरम्यान, कोरटकरला शनिवारी १ तारखेला कोल्हापूरातील न्यायालयाने अंतरिम जामीन मंजूर केला होता. यामुळे त्याला अटकेपासून संरक्षण मिळणार आहे. जो कोरटकरसाठी दिलासा मानला जातोय. यादरम्यान कोरटकरचा हा व्हिडीओ समोर आल्याने विविध चर्चांना उधाण आलं आहे.

कोरटकरविरोधात कोल्हापूर आणि नागपूरमध्ये गुन्हा दाखल करण्यात आला आहे. गुन्हा दाखल झाल्यापासूनच कोरटकर फरार होता. त्याला पकडण्यासाठी पोलिसांचा विविध ठिकाणी शोध सुरु आहे. धमकी प्रकरण उजेडात येताच प्रशांत कोरटकरने स्वतःला निर्दोष घोषित केले आणि आपल्यावर खोटा आरोप झाल्याचा मोठा दावा देखील केला. त्याच्या आवाजाशी छेडछाड करून कोणीतरी इंद्रजित सावंत यांना धमकी दिली असल्याचा आरोपही त्याने केला होता. परंतु पोलिसांच्या तपासात हा दावा खोटा असल्याचे स्पष्ट झाले. आता हा व्हिडीओ समोर आल्याने चर्चांना उधाण आलंय.

दरम्यान, शनिवारी कोरटकरच्या पत्नीनेही नागपूर पोलिसांत तक्रार दाखल केली आहे. कोरटकर कुटुंबीयांना अज्ञात व्यक्तीकडून वारंवार धमकीचे फोन येत असल्याचे त्यांनी म्हटले. विशेष म्हणजे, त्यांनी धमकीसाठी थेट इतिहासकार इंद्रजित सावंत यांनाच जबाबदार धरले आहे.