drowning in lake- रविवार म्हणून मित्रांचा ग्रुप पार्टीसाठी पाटबंधारे विभागाच्या तलावावर गेला होता. मात्र तेथे आक्रित घडले. मित्राला वाचवताना अनर्थ घडल्याची घटना समोर येत आहे.
रोहित आणि मनोज हेदोघेही रेल्वे मध्ये नोकरी करीत असल्याची माहिती समोर येत आहे.
आज रविवारी सुट्टीचा दिवस असल्याने रोहित व मनोज हे आपल्या संदीप अहीरे, अभिषेक यादव, विकास रॉय, शिवकुमार समुद्रे, निलेश टेंभुरणे, व इंदर यादव या पाच मित्रांसोबत पार्टी करण्यासाठी गेले होते. दुपारी भागीमहारी गावापासून ४०० अंतरावरील पाटबंधारे विभागाच्या बांधराझरी तलावावर आले होते. काही वेळ तलावाच्या परिसरात फिरल्यानंतर यातील ५ जणांनी स्वयंपाक बनवायला सुरवात केली होती.
दुपारी २.३० ते ३ वाजताच्या दरम्यान रोहित व मनोज आंघोळीकरिता तलावावर आले होते. अशातच मनोज पाण्यात उतरला. त्याला तलावाच्या खोलीचा अंदाज न आल्यामुळे तो गटांगळ्या खाऊ लागला. हे पाहताच त्याला वाचविण्यासाठी रोहितने पाण्यात उडी मारली. पण खोली जास्त असल्याचा अंदाज त्यालाही आला नाही. आणि दोघांचा बुडून मृत्यू झाला. या घटनेची माहिती पारशिवणी पोलिसांना कळताच त्यांनी घटनास्थळ गाठले . त्यांनी तात्काळ एन डी आर एफ च्या टीमला घटनास्थळी बोलावले . तत्पूर्वी स्थानिक लोकांच्या मदतीने तलावामध्ये शोधमोहीम सुरू करण्यात आली. सायंकाळी ६ वाजताच्या सुमारास रोहित पालचा मृतदेह सापडला . त्याचा मृतदेह उत्तरीय तपासणीकरिता पारशिवणी येथील ग्रामीण रुग्णालयात आणण्यात आला .सायंकाळी ७ वाजता शोधमोहीम थांबविण्यात आली . या घटनेसंबंधी पुढील तपास पारशिवणी पोलीस करीत आहे .
लेखकाबद्दलअविनाश महाजनअविनाश महाजन हे महाराष्ट्र टाइम्सच्या नागपूर आवृत्तीत प्रिन्सिपल करस्पॉडंट आहेत. त्यांना पत्रकारितेत २० वर्षांचा अनुभव आहे. गेल्या १६ वर्षांपासून गुन्हेवार्तांकनाचा अनुभव आहे.… आणखी वाचा