माहेजी गावात २० फेब्रुवारी रोजी काविळ संशयित रुग्ण आढळून आले होते. त्यानंतर आरोग्य विभागाकडून सलग ९ दिवसापासून सर्वेक्षण सुरू करण्यात आले. काही नागरिकांना उलट्या होण्याचा त्रास व पिवळेपणाच्या आजाराची लक्षणे जाणवली. आरोग्य विभागाची पथके गावात गेली. सुमारे २ हजार ५४८ लोकसंख्या असलेल्या या गावात ५७० कुटुंबे आहेत. घरोघरी जाऊन या सर्व कुटुंबांचे सर्वेक्षण आरोग्य यंत्रणेकडून केले जात आहे. आतपर्यंत नऊ दिवसांत केलेल्या सर्वेक्षणात ३२ संशयित रुग्ण आढळून आलेत.
वाल्मिक कराडच संतोष देशमुखांच्या हत्येचा सूत्रधार; ‘सीआयडी’च्या आरोपपत्रात नेमकं काय? १७०हून अधिक जबाब
जिल्हा आरोग्याधिकारी डॉ. सचिन भायेकर व साथरोग अधिकारी डॉ. वाभळे यांनी या गावाला भेट देऊन पाहणी केली. गावात पाण्याचे चार स्त्रोत आहेत. त्यातील एक जलस्त्रोत अशुद्ध आहे. नळ योजनेतून मिळणारे पाणी मात्र शुद्ध आहेत. स्त्रोत असलेल्या भागात स्वच्छता करून पाण्यामध्ये टीसीएल पावडरचा वापर सुरू केला आहे. संशयित रुग्णांवर नांद्रा प्राथमिक आरोग्य केंद्रावर उपचार सुरू आहेत. गावात प्रतिबंधात्मक उपाय केले जात आहेत. नागरिकांनी पाणी उकळून प्यावे व शिळे अन्न खाऊ नये, असे आवाहन जिल्हा आरोग्य अधिकाऱ्यांनी केले आहे.
मार्च महिना ठरणार सुपर ‘हीट’; नाशिक शहरात उष्ण वाऱ्यांचा प्रवाह, तापमान ३५.४ अंशांवर
रक्त नमुने मात्र निगेटिव्ह
कावीळचे सात प्रकार असतात. त्यातील ‘ए’ व ‘ई’ प्रकारचा कावीळ हा पाण्यातून होतो. या गावातील ३२ रुग्णांना कावीळची लक्षण असली तरी त्यांच्या रक्तांच्या नमुन्यांचे अहवाल मात्र निगेटिव्ह आले आहेत.