पेठ, सुरगाणासह त्र्यंबकेश्वर तालुक्यात गेल्या काही वर्षांपासून सातत्याने भूकंपाचे धक्के जाणवत आहेत. शनिवारी सकाळी त्र्यंबकेश्वर तालुक्यातील हरसूल, ठाणपाडा, कुळवंडी गावांत ३.३ रिश्टर स्केलचा भूकंपाचा सौम्य धक्का जाणवला. गेल्या महिनाभरातील ही चौथी ते पाचवी घटना असल्याने स्थानिक नागरिक भयभीत झाले आहेत. त्यामुळे लवकरात लवकर भूकंपाचे केंद्र शोधून त्यावर उपाययोजना करावी, अशी मागणी स्थानिक नागरिकांकडून केली जात आहे.
महिलांना मोठा दिलासा! महामार्गावर आता प्रत्येक २५ किमीवर स्वच्छतागृह, बचत गटांना देखभालीची संधी
एकीकडे स्थानिक नागरिक भूकंपाच्या धक्क्यांनी चिंतेत आहेत, तर दुसरीकडे मेरीतील भूकंपमापन यंत्रावर अनेक सौम्य धक्क्यांची नोंद होत नसल्याचेही समोर आले आहे. त्यामुळे मेरीतील भूकंपमापन वेधशाळेत डिजिटल यंत्र बसविण्याची मागणीही केली जात आहे.
आता नव्या लालपरींमध्येही CCTV, GPSची सुविधा; ३००० बसगाड्यांसाठी मोठा निर्णय
अहवालाचे काय?
पेठ, सुरगाणा तसेच त्र्यंबकेश्वरमधील काही भागांत वारंवार बसत असलेल्या सौम्य धक्क्यांची दखल राज्य शासनानेही घेतली आहे. याचा अभ्यास करण्यासाठी जिओलॉजिकल सर्व्हे ऑफ इंडियाचे भूगर्भतज्ज्ञ नाशिकमध्ये दाखल झाले होते. संबंधित गावांना भेट देत त्यांनी माहितीही घेतली. १४ फेब्रुवारीपर्यंत ही माहिती उपलब्ध करून देण्याबाबत सांगण्यात आले होते. मात्र, महिना उलटूनही अद्याप अहवालाची प्रतीक्षा आहे.