Uttamrao Jankar and Ajit Pawar Meet : ज्येष्ठ नेते शरद पवार यांच्या पक्षाचे आमदार उत्तमराव जानकर यांनी आज अजित पवार यांची भेट घेतली. विशेष म्हणजे दोन्ही नेत्यांनी एकाच गाडीने प्रवास केला. त्यामुळे अनेकांच्या भुवया उंचावल्या. यानंतर आता या भेटीमागचं कारण समोर आलं आहे.
कालवा संदर्भातील महत्त्वाची बैठक
पश्चिम महाराष्ट्रातील कालवा व्यवस्थापन हा या बैठकीतील मुख्य मुद्दा आहे. सोलापूर जिल्ह्यात उजनी धरणाचे आवर्तन १५ दिवस आधी सोडण्याची गरज आहे, यावर चर्चा झाली. या संदर्भात उत्तमराव जानकर यांनी उपमुख्यमंत्री अजित पवार यांची भेट घेतली, अशी माहिती राष्ट्रवादी काँग्रेस (अजित पवार गट) चे प्रवक्ते उमेश चव्हाण यांनी दिली. मात्र, या भेटीचे राजकीय संकेत टाळण्याचा त्यांनी प्रयत्न केला.
अजित पवार आणि उत्तमराव जानकरांचा एकाच गाडीने प्रवास
बैठक सुरू होण्यापूर्वी अजित पवार आणि उत्तमराव जानकर यांच्यात सविस्तर चर्चा झाली, तसेच त्यांनी पुण्यातील सर्किट हाऊसपासून विधान भवनापर्यंत एकत्र प्रवास केला. ही विशेष वागणूक उत्तमराव जानकर यांना का मिळाली? यावर अनेक तर्कवितर्क लावले जात आहेत.
Manikrao Kokate : कृषीमंत्री माणिकराव कोकाटेंना जेल की बेल? आमदारकीचं काय होणार? कोर्टातील इनसाईड बातमी समोर
याच बैठकीसाठी रामराजे निंबाळकर, राधाकृष्ण विखे पाटील आणि अन्य वरिष्ठ नेते थेट विधान भवनात दाखल झाले. मात्र, उत्तमराव जानकर यांनी उपमुख्यमंत्री अजित पवार यांच्या गाडीतून प्रवास केल्यामुळे राजकीय चर्चांना अधिकच जोर आला आहे. त्यामुळे येत्या काळात काही राजकीय घडामोडी घडण्याची शक्यता वर्तवली जात आहे.