संतोष देशमुख प्रकरणात आतापर्यंत नऊपैकी आठ आरोपींना अटक करण्यात आली आहे. एक आरोपी कृष्णा आंधळे अद्यापही फरार आहे. मागील ८० दिवसांत सीआयडी तसेच…एसआयटीच्या अधिकाऱ्यांनी केलेल्या तपासानंतर हे दोषारोपपत्र दाखल करण्यात आले आहे. या प्रकरणावरून राजकीय आरोप प्रत्यारोप देखील होत होते. परंतु, दुसरीकडे सीआयडीच्या अधिकाऱ्यांनी आपला तपास वेगाने पूर्ण करत दोषारोपपत्र दाखल केले आहे.कृष्णा आंधळे फरार असल्याचा दाखवूनच चार्जशीट दाखल केले आहे.आता न्यायालयीन प्रक्रिया सुरू राहणार आहे. दरम्यान ८० दिवसांच्या आत हे प्रकरण…न्यायालयात दाखल झाल्याने आता आरोपींना जामीन सुद्धा मिळणे कठीण होणार आहे. याबद्दल भाजपचे आमदार सुरेश धस यांनी गृहमंत्र्यांचे आभार मानले आहेत. हे अतिशय चांगले काम झाले असून याबद्दल मी गृहमंत्र्यांचे आभार मानतो असं ते म्हणाले. विशेष म्हणजे या सर्व प्रकरणात सरकार पक्षाची बाजू मांडण्यासाठी…ज्येष्ठ वकील अॅड. उज्ज्वल निकम यांची नियुक्ती करण्यात आली आहे.