स्वारगेट आगारात मुलीवर अत्याचार झाल्याने अनेकांनी सरकारवर जोरदार टीका केलीये. गृहराज्यमंत्री योगेश कदम यांनी या घटनेबद्दल बोलताना म्हटले की, घटनेनंतर पोलिसांनी कोणतेही दुर्लक्ष केले नाहीये. आरोपीचे संभाव्य ठिकाण पोलिसांनी समजले आहे. आरोपीला पोलिस लवकरच पकडणार आहेत. रात्री दीड वाजता तेथील पीआय सीसीटीव्हीमध्ये दिसत आहेत, ते फेरी मारून आणि पाहणी करून गेल्याचे स्पष्टपणे दिसत आहे.
Dattatraya Gade : स्वारगेट बसस्थानकामधील तरूणीवर अत्याचार प्रकरणात खळबळजनक माहिती पुढे, आरोपी गाडे रात्री दोन वाजल्यापासूनच…पुन्हा रात्री तीन वाजता पीआय तिथे त्यांच्या टीमसोबत गस्त घालताना दिसत आहेत. यामुळे पोलिसांकडून दुर्लक्ष झाले किंवा पोलिस अलर्ट नव्हते, असा विषय नव्हता. घटनेच्या पाच तासांमध्ये स्वत: पीआय टीमसोबत गस्त घालत होते. जो आरोपी आहे, त्याच्यावर काही गुन्हे दाखल आहेत, पण ते ग्रामीण भागात आहेत. शहरातील गुन्हेगाऱ्यांचे रेकॉर्ड पोलिसांकडे असते, त्यांच्यावर वेगवेगळ्या पद्धतीने लक्ष ठेवले जाते. मात्र, हा आरोपी ग्रामीण भागातील सराईत गुन्हेगार आहे.

पुढे बोलताना योगेश कदम म्हणाले की, आगाराच्या आवारात जी खासगी सुरक्षा ठेवली आहे, त्यांनी नक्कीच चुका केल्या आहेत. बसच्या बाजुलाच खासगी चाैकी होती आणि तिथे सुरक्षारक्षक नव्हते. यामुळे यावर काम करणे आवश्यक आहे. ज्यावेळी ही घटना घडली, त्यावेळी बसच्या आजुबाजूला दहा ते बारा लोक उपस्थित होते. मात्र, कोणालाही याबद्दलचा संशय आला नाही. यामुळे आरोपी पकडल्यानंतर पुढे काही खुलासे होऊ शकतात.