माणिकराव कोकाटेंच्या विरोधात महायुतीतूनच कटकारस्थान – जयंत पाटील

मंत्री माणिकराव कोकाटे यांच्या विरोधातील निकालावरुन राष्ट्रवादी शरद पवार गटाचे प्रदेशाध्यक्ष जयंत पाटील यांनी शंका उपस्थित केली आहे. ‘वीस-बावीस वर्षांनी सत्तेत बसल्यावर आपोआप हा निकाल लागला का, की कुणीतरी जाणूनबुजून हा निकाल आणण्याची व्यवस्था करतेय?, असा सवालही पाटील यांनी उपस्थित केला. कोकाटे प्रकरणात अप्रत्यक्षपणे महायुतीमधील घटकपक्षांकडूनच कट-कारस्थान सुरू असल्याकडे पाटील यांनी अंगुलिनिर्देश केल्याने राजकीय वर्तुळात चर्चेला उधाण आले आहे.