पुण्यासारख्या सुसंस्कृत शहरात बलात्कार; तसेच विनयभंगाच्या घटना वर्षाला वाढत असल्याचे पोलिसांच्या नोंदीवरून दिसते. बोपदेव घाटातील बलात्कार प्रकरण; स्वारगेट प्रकरणातील तरुणी शिक्षण आणि नोकरीच्या निमित्ताने बाहेर गावाहून पुण्यात आलेल्या होत्या. अशा असंख्य तरुणी नोकरी, शिक्षणाच्या निमित्ताने पुण्यात राहतात. या घटनांमुळे पालक वर्ग चिंतेत आहे.

गेल्या वर्षी बोपदेव घाटात बलात्काराचा प्रकार घडला. मित्रासोबत फिरायला गेलेल्या महाविद्यालयीन तरुणीवर मध्यरात्री तिघांनी सामूहिक बलात्कार केला. हे प्रकरण काही तासांनी उघडकीस आले. मात्र, तोपर्यंत आरोपी पसार झालेले होते. बोपदेव घाट परिसरात मोबाइल, सीसीटीव्ही नव्हते. त्यानंतरही पुणे पोलिसांनी दहा दिवसांत दोन आरोपींना पकडले. मात्र, अद्याप एक आरोपी फरारीच आहे. पोलिसांना तो सापडलेला नाही. हे तिन्ही आरोपी सराईत गुन्हेगार होते.

दरम्यान, विद्येचे माहेरघर असलेल्या पुण्यामध्ये आता गुन्हेगारीच्या घटनांमध्ये वाढ होताना दिसत आहे. महत्त्वाचं म्हणजे पुण्यात देशभरातून विद्यार्थी शिक्षण घेण्यासाठी येत असतात. मात्र जर महिलांच्या सुरक्षेबाबत आता शाश्वती राहिलेली नाही. एकटी महिला किंवा तरूणी म्हणजे शिकार मिळाल्यासारखे लांडगे लाळ चाटत वावरत आहेत. प्रशासनाने कडक भूमिका घेत या लांडग्यांना आवर घालायला हवा. कोणतीही तरूणी एकटी फिरत असताना तिच्या मनात कोणतीही भीती नसली पाहिजे. मात्र या वर्षातील बलात्कार आणि विनयभंगांच्या तक्रारींचा आकडा हादरवरून टाकणारा आहे. तरूणींनीही आता सावध राहयल हवं.