Sakal Maratha Mahasangh aggressive : प्रशांत कोरटकर याच्या विरोधात सकल मराठा महासंघाने अतिशय आक्रमक पवित्रा घेतला आहे. कोरटकरला ठेचा किंवा गनिमी काव्याचा वापर करून धडा शिकवा, असं मुधोजी राजे भोसले म्हणाले आहेत.
पोलीस कारवाईवर संशय
मुधोजी राजे भोसले पुढे म्हणाले की, “इतिहास अभ्यासक इंद्रजीत सावंत यांच्याशी अश्लील भाषेत बोलणाऱ्या आणि छत्रपतींविषयी अपशब्द उच्चारणाऱ्या प्रशांत कोरटकरवर कोल्हापुरात गुन्हा दाखल करण्यात आला आहे. मात्र, तो सध्या फरार असून पोलिसांना त्याचा शोध घेता आलेला नाही. पोलिसांनी अद्याप कोरटकरला अटक केलेली नाही, हे गंभीर असून, त्यामुळे पोलिसांची भूमिका संशयास्पद वाटत आहे.”
“कोरटकर विरोधात कोल्हापुरात गुन्हा दाखल झाला असला तरी तो अद्याप फरार आहे. पोलिसांनी त्याचा शोध घेण्यात असमर्थता दाखवली आहे, त्यामुळे पोलिसांची भूमिका संशयास्पद वाटत आहे. सकल मराठा महासंघाने गुरुवारी नागपूरचे पोलीस आयुक्त यांना निवेदन देण्याचा निर्णय घेतला आहे. जर शुक्रवारीही काही कारवाई झाली नाही, तर आम्हीच योग्य तो निर्णय घेऊ”, असे भोसले यांनी स्पष्ट केले.
Amol Mitkari : शिवसेनेच्या माजी मंत्र्यांची नावे घेत अमोल मिटकरींचे खळबळजनक आरोप, महायुतीत पुढे काय घडणार?
‘कोरटकरच्या प्रवृत्तीला ठेचून काढून…’
गुरुवारी दुपारी सकल मराठा महासंघाच्या वतीने नागपूरचे पोलीस आयुक्त यांना निवेदन देण्यात येणार आहे. पण, जर शुक्रवारी कोरटकरला अटक झाली नाही, तर आंदोलन अधिक तीव्र केले जाईल, असा इशारा त्यांनी दिला. मुधोजी राजे भोसले पुढे म्हणाले की, “छत्रपती शिवाजी महाराजांचा अपमान कोणीही सहन करणार नाही. कोरटकरच्या प्रवृत्तीला ठेचून काढून धडा शिकवला जाईल. राज्यभरात कायदा-सुव्यवस्था बिघडली, तर त्याची जबाबदारी सरकारवर असेल. आम्ही याची पुरेपूर दक्षता घेऊ की भविष्यात कुणीही छत्रपती शिवाजी महाराजांविषयी अपशब्द काढण्याची हिंमत करणार नाही.”