महसूल सहायक पदी निवड झालेल्या लेकीची आई वडिलांकडून वाजत गाजत मिरवणूक काढण्यात आली. अनिता सुभाष देशमुख हिची महसूल सहायक पदी निवड झाली आहे. २०२३ मध्ये अनिता हिने एमपीएससी मार्फत महसूल सहायक पदाची परीक्षा दिली होती. त्यात तीने हे यश प्राप्त केले. अनिता देशमुख ही मूळ मुदखेड तालुक्यातील चिकाळा येथील रहिवासी असून सध्या ती आपल्या आई वडिलांसोबत सांगवी भागातील गोपाळनगर येथे राहते. तिचे वडील सुभाष देशमुख हे अल्पभूधारक शेतकरी आहेत. पुणे येथे राहुन तिने स्पर्धा परीक्षेची तयारी सुरु केली. दरम्यान नुकत्याच जाहीर झालेल्या महसूल सहायक पदाच्या परीक्षेच्या निकालात तीने हे यश मिळवले आहे. अनिता हिचे सोमवारी नांदेड शहरात आगमन झाले. यावेळी आई वडिलांनी सांगवी ते गोपालनगर येथील निवास्थान पर्यंत ढोलताश्याच्या गजरात तिची मिरवणूक काढली.