प्रवेशानंतर बोलताना किरण काळे म्हणाले, हिंदूहृदयसम्राट बाळासाहेब ठाकरे, स्व. अनिल राठोड यांच्या विचारांना अभिप्रेत असणाऱ्या, शहरातील गोरगरीब, व्यापारी, उद्योजक, नोकरदार, महिला, युवा, ज्येष्ठ नागरिक यासह सर्व घटकांच्या प्रश्नांच्या सोडवणुकीसाठी मी काम करणार आहे. शहरात शिवसेनेची भक्कम संघटना उद्धव ठाकरे यांच्या नेतृत्वाखाली बांधणार आहे. शहराचा विकास हा माझ्या कामाच्या केंद्रस्थानी असेल. काही लोक बेगडी हिंदुत्वाची झूल पांघरून सध्या शहरामध्ये वावरत आहेत. त्यांचा बुरखा शिवसैनिक फाडतील. ओरिजिनल हिंदुत्व काय असतं हे आम्ही दाखवून देऊ. जुन्या, नव्या शिवसैनिकांचा मेळ घालून आगामी काळात शहरामध्ये आम्ही निश्चित भगवा फडकवू, असा विश्वास यावेळी काळे यांनी व्यक्त केला.