नवी दिल्ली येथे सुरु असलेल्या ९८ व्या अखिल भारतीय मराठी साहित्य संमेलनात ‘असे घडलो आम्ही’ या क्रायक्रमात बोलाताना नीलम गोऱ्हे यांनी हा गौप्यस्फोट केला आहे. नीलम गोऱ्हे यांच्या या वक्तव्यानंतर राजकीय वर्तुळात एकच खळबळ माजली आहे. त्यावर आता उद्धव ठाकरे यांनी जोरदार प्रत्युत्तर दिलं आहे.

त्या गयेगुजरे आहेत, त्यांच्यावर काय बोलायचे – उद्धव ठाकरे

ही सगळी गयीगुजरी लोक आहेत. त्यांच्याकडे मी लक्ष देत नाही. राजकारणात त्यांनी त्यांचं चांगभलं करुन घेतलं आहे. त्या महिला आहेत त्यावर मी काही बोलणार नाही, असे उद्धव ठाकरे म्हणाले. मर्सिडीजमधून फिरणाऱ्या लोकांना विचारा लाडक्या बहिणींना पैसे का नाही मिळाले? असा प्रतिप्रश्नही त्यांनी यावेळी केला.स्वतः मर्सिडीजमधून फिरत आहेत, मग लाडक्या बहिणी का उपाशी राहिल्या? असं म्हणत उद्धव ठाकरे यांनी नीलम गोऱ्हे यांना टोलाही लगावला आहे.

संजय राऊतांकडून गोऱ्हेंवर हल्लाबोल

तसेच, शिवसेना नेते संजय राऊत यांनीही नीलम गोऱ्हेंना सुनावलं आहे. उद्धव ठाकरे यांनी नीलम गोऱ्हे ४ वेळा आमदार केलं आहे. त्यांनी किती मर्सिडिज दिल्या आहेत? महिला आघाडीचा विरोध असताना त्यांना उद्धव ठाकरेंनी आमदार केलं. त्यांनी ८ मर्सिडिज दिल्यात का, असेल तर त्यांनी त्याच्या पावत्या वगैरे घेऊन याव्या, असं म्हणत संजय राऊत यांनी नीलम गोऱ्हेंवर हल्लाबोल केला आहे.

नीलम गोऱ्हे काय म्हणाल्या होत्या?

२०१९ ला उद्धव ठाकरे मुख्यमंत्री झाल्यावर आम्हालाही धन्य वाटलं होतं. बाळासाहेब ठाकरेंचा मुलगा मुख्यमंत्री झाला होता. पण, आम्हाला हे माहित नव्हतं की आमदारांनाही भेटी मिळणार नाहीत. कुठल्याच विषयाला भेटी मिळणार नाहीत. दिवसातून दोन ते तीन वेळा आरटीपीसीआर केली तरी भेट नाही. या गोष्टीचा विचार केल्यावर स्थित्यंतर होतात यामागे अनेक गोष्टी असतात असं नीलम गोऱ्हे यांनी सांगितलं.