पोलिसांनी दिलेल्या माहितीनुसार, वालचंदनगर पोलीस स्टेशन हद्दीत अवैध व्यवसायांवर कारवाई करण्याच्या उद्देशाने गस्त घालत असताना शुक्रवारी २१ फेब्रुवारी रोजी स्थानिक गुन्हे शाखेच्या पथकातील पोलीस हवालदार स्वप्निल अहीवळे यांना मौजे न्हावी (ता. इंदापूर जि. पुणे) गावच्या हद्दीत वरील रतन मारकड आणि बाळू जाधव या आरोपींनी त्यांच्या मालकीच्या शेतात बेकायदेशीरपणे विनापरवाना अफुच्या झाडांची लागवड, विक्री करणेच्या उद्देशाने उत्पादन घेतल्याची गोपनीय बातमी मिळाली. त्यानुसार वरिष्ठ पोलीस अधिकाऱ्यांच्या आदेशानुसार वरील आरोपींच्या शेतामध्ये अफुची बेकायदेशीर विनापरवाना लागवड केल्याचं आढळून आलं.
Crime News : महाकुंभ मेळ्यात स्नान केलं, घरी आले आणि… कॉन्स्टेबल पतीचं पत्नीसोबत भयंतर कृत्य, घटनेने खळबळ
अफुची लागवड केलेली दिसून येऊ नये म्हणून संबंधित आरोपींनी शेतात कांदा आणि लसूण पिकांची लागवड करून चहूबाजूने मका पिकाचं उत्पादन घेण्यात आलं होतं. कारवाई दरम्यान एकूण २७ लाख ५६ हजार ४६० रूपये किंमतीची सुमारे ८८३ किलो ग्रॅम वजनाची बोंडासह अफुची झाडं हस्तगत करण्यात आली असून संबधीत आरोपीविरोधात वालचंदनगर पोलीस ठाण्यात एन.डी.पी.एस. अॅक्ट कलम ८ ब, १५, १८, ३२,४६ प्रमाणे गुन्हा दाखल करण्यात आला आहे.
पुण्यात शिकत असलेल्या विद्यार्थीनीला तीन आठवड्यापासून त्रास, GBS मुळे बारामतीतील तरुणीचा बळी

सदरची कामगिरी ग्रामीण पोलीस अधीक्षक पंकज देशमुख, अपर पोलीस अधीक्षक गणेश बिरादार, बारामती विभागाचे उपविभागीय पोलिस अधिकारी डॉ. सुदर्शन राठोड त्यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, बारामती पोलीस निरीक्षक वैशाली पाटील, वालचंदनगरचे सहाय्यक निरीक्षक राजकुमार डुणगे, स.पो.नी कुलदीप संकपाळ, स.पो.नि. राहुल गावडे, पोलीस अंमलदार स्वप्निल अहीवळे, बाळासाहेब कारंडे, अभिजीत एकशिंगे, अजय घुले, ईश्वर जाधव आदींच्या पथकाने कारवाई केली.