आव्हाड यांचे माजी स्वीय सहायक अभिजित पवार यांचा मंगळवारी अजित पवार यांच्या उपस्थितीत राष्ट्रवादी काँग्रेस पक्षात जाहीर प्रवेश करण्यात आला होता. मात्र गुरुवारी अभिजित पवार स्वगृही परतले. मला ब्लॅकमेल करून व खोट्या धमक्या देत माझा पक्षप्रवेश करण्यात आल्याची प्रतिक्रिया अभिजित पवार यांनी दिली. त्यानंतर आव्हाड यांनी पत्रकारांशी संवाद साधत या पक्षप्रवेश नाट्यावरून टीकास्त्र सोडले.
निवडणुकीतील पराभवासाठी ईव्हीएम नव्हे, आपणच जबाबदार; अमित ठाकरेंची परखड भूमिका
मुंबईत अजित पवार यांच्या उपस्थितीत मंगळवारी अभिजित पवार यांचा जाहीर पक्षप्रवेश झाला होता. ते पुन्हा एकदा राष्ट्रवादी काँग्रेसमध्ये (शप) परतले. ‘राष्ट्रवादी काँग्रेसच्या ठाण्यातील नेत्यांनी मला ब्लॅकमेल करूनच माझा प्रवेश घडवला, असे अभिजीत पवार यांनी सांगितले आहे. अजित पवार यांनी आतातरी डोळे उघडावेत, माझी चौकशी करा, आणखी किती जणांची घरे उद्ध्वस्त करणार,’ असा प्रश्न आव्हाड यांनी केला.
Ladki Bahin Yojana: लाडक्या बहिणींचा नागपूर पॅटर्न चर्चेत; ३००० महिलांनी एकत्र येऊन सुरु केली पतपेढी
‘राष्ट्रवादी काँग्रेसचे (शप) शमीम खान यांनाही असाच त्रास दिला जात होता. त्यांनी राष्ट्रवादी काँग्रेसचे अध्यक्ष शरद पवार यांची भेट घेऊन व्यथा मांडल्याचे आव्हाड यांनी नमूद केले. अभिजित पवार यांनी ठाण्यातील विकासक सूरज परमार यांच्याप्रमाणेच या ब्लॅकमेलिंगला कंटाळून स्वतःला संपवले असते,’ असा दावा आव्हाड यांनी केला.
Mahakumbh 2025: गंगा-यमुनेचे पाणी स्नानासही अयोग्य; केंद्रीय प्रदूषण नियंत्रण मंडळाच्या अहवालात मोठा दावा
मुख्यमंत्र्यांची भेट घेणार
राबोडीतील मनसेचे पदाधिकारी जमील शेख यांच्या हत्या प्रकरणाचा तपास पुन्हा सुरू करा, या प्रकरणाचे माजी तपास अधिकारी नितीन ठाकरे यांची नेमणूक करा, अशी मागणीही आव्हाड यांनी केली. आम्ही याबाबत मुख्यमंत्री देवेंद्र फडणवीस यांची भेट घेऊन ही मागणी करणार आहोत, ते असे राजकारण करत नाहीत, असेही आव्हाड म्हणाले.