महाराष्ट्र नवनिर्माण सेनेते आगामी काळात मोठे फेरबदल होण्याची शक्यता आहे. मनसे अध्यक्ष राज ठाकरे यांनी बैठकीत आपल्या पदाधिकारी आणि कार्यकर्त्यांना तसे संकेत दिल्याची माहिती आहे. त्यामुळे राज ठाकरे नेमके काय निर्णय घेणार आहेत? ते पाहणं महत्त्वाचं असणार आहे.
मनसे अध्यक्ष राज ठाकरे यांनी आपल्या पक्षाचे नेते आणि पदाधिकाऱ्यांची बैठक घेतली. यावेळी राज ठाकरे यांनी काही महत्त्वाच्या सूचना केल्या आहेत. राज ठाकरे यांनी मनसैनिकांना मराठी भाषा दिवस सहकुटुंब शिवाजी पार्क मैदानावर साजरं करण्याचे आदेश दिले. आगामी महापालिका निवडणुकीच्या पार्श्वभूमीवर मनसेत मोठे बदल होणार असल्याचे संकेत दिले.
शाखाध्यक्षांचं प्रगती पुस्तक तपासलं जाणार
मनसेच्या शाख्याध्यक्षांचं प्रगती पुस्तक दर 15 दिवसांनी तपासणार असल्याचं राज ठाकरे म्हणाले आहेत. राज ठाकरे यांचा आता तळागळापर्यंत पोहोचण्याचा प्रयत्न आहे. पक्षातील काही पदाधिकारी बदलले जाणार असून काही पदांची देखील नावे बदलली जाणार असल्याचं राज ठाकरे यांनी कार्यकर्त्यांना सांगितंल.
‘माझी परिस्थिती जपानसारखी, मी आता धक्कापुरुष झालोय’, उद्धव ठाकरे यांचं मिश्किल वक्तव्य
बाळा नांदगावकर काय म्हणाले?
मनसे नेते बाळा नांदगावकर यांनी याबाबत महत्त्वाची प्रतिक्रिया दिली आहे. “आमचा मध्यंतरी वरळी येथे राज्यभरातील पदाधिकाऱ्यांचा मेळावा पार पडला होता. त्या मेळाव्यात पदाधिकाऱ्यांना राज ठाकरेंनी मार्गदर्शन केलं होतं. त्यावेळी त्यांनी सांगितलं होतं की, पक्षाची आचारसंहिता आणि पक्ष संघटना याबाबत काय करणार आहे ते लवकरच तुम्हाला माहिती देईन. आचारसंहिता आणि संघटनेच्याबाबत ते काही निर्णय घेणार आहेत ते लवकरच आपल्याला कळेल. त्यासाठी पक्षाची ही बैठक होती”, अशी माहिती बाळा नांदगावकर यांनी दिली.
लेखकाबद्दलचेतन पाटीलचेतन पाटील हे सध्या महाराष्ट्र टाइम्स ऑनलाईन टीममध्ये डिजीटल कंटेंट प्रोड्यूसर म्हणून कार्यरत आहेत. चेतन यांनी याआधी tv9 मराठी, News18 लोकमत, आपलं महानगर येथे काम केलं आहे.… आणखी वाचा