शहादा शहरातील द्वारकाधीशनगर येथे राहणाऱ्या कल्पना गणेश वाघ (४५), आकाश गजानन वाघ (१९) या मायलेकांचा या दुर्दैवी अपघातात मृत्यू झाल्याची घटना १७ फेब्रुवारी रोजी रात्री दहा वाजताच्या सुमारास घडली.
महावितरणने खोदलेला खड्डा बुजवला नाही, त्यात पाणी साचलेलं; पाच वर्षाच्या चिमुकलीचा पडून दुर्दैवी अंत
कल्पना गणेश वाघ यांची मुलगी काजल हिच्या साखरपुडा १४ फेब्रुवारी रोजी मोठ्या उत्साहात पार पडला. कल्पना वाघ यांचा वाढदिवस १६ फेब्रुवारी रोजी सर्व कुटुंब तसंच आलेल्या पाहुण्यांनी साजरा केला. घरात पाहुण्यांची वर्दळ होती. १७ फेब्रुवारी रोजी रात्री दहा वाजेच्या सुमारास जेवण झाल्यावर कल्पना वाघ, आकाश वाघ, भाचा तसंच घरातील पाहुणे शतपावलीसाठी घराबाहेर पडले.
वाढदिवसाची पार्टी काळ ठरली, आनंदाचा क्षण दु:खात बुडाला; कारच्या भीषण अपघातात तिघांचा अंत
त्यादरम्यान तेथून जाणाऱ्या भरधाव फॉर्च्यूनर ( क्र. एम.एच. 15,जे.ए.5055 ) मधील अज्ञात चालकाने कल्पना गजानन वाघ आणि आकाश गजानन वाघ या दोघांना जोरात धडक दिली. या भीषण अपघातात कल्पना गजानन वाघ आणि आकाश गजानन वाघ या माय-लेकांचा जागीच मृत्यू झाला. यावेळी त्यांची पाळीव कुत्रीही अपघातात ठार झाली. चार दिवसांपासून आनंदात असलेल्या कुटुंबावर मोठा दुःखाचा डोंगर कोसळला.

याप्रकरणी निलेश गजानन वाघ यांच्या फिर्यादीवरून शहादा पोलीस ठाण्यात भा.न्या.संहीता-१०५, १०६(१), २८१, १२५ (A),प्राण्याना छळ प्रतिबंध अधि १९६० चे कलम – ११ (१), मोटार वाहन कायदा १८४, १३४/१८७ प्रमाणे गुन्हा दाखल करण्यात आला. याप्रकरणी आदित्य उचित पाटील रा. शहादा याला अटक करण्यात आली आहे.