नेमकं काय घडलं?

नागपूरच्या जुना बगडगंज परिसरात ही हत्येची भयंकर घटना घडली आहे. आरोपी पती ३६ वर्षीय, रवी नांदूरकर असं त्याचं नाव आहे. तो दुचाकीचे सीट कव्हर आणि शूज शिवण्याचं काम करतो. गेल्या काही दिवसांपासून ते तणावाखाली होता. आठ दिवसांपूर्वी त्याने गांधीबाग येथून चाकू खरेदी केला होता. त्याला पत्नी आणि मुलांची हत्या करून त्याला आत्महत्या करायची होती, त्यासाठीच त्याने आठ दिवसांपूर्वी चाकू खरेदी केला होता.
रत्नागिरीत पुन्हा मोठा राजकीय भूकंप, ठाकरेंना सर्वात मोठा धक्का, दापोली नगरपंचायतीत शिंदेंच्या शिवसेनेकडून गेम
रविवारी रात्री त्याने पत्नी आणि मुलांसोबत जेवण केलं आणि सर्वजण झोपी गेले. त्यानंतर त्याने पहाटे चार वाजता पत्नी पिंकी हिच्यावर चाकूने हल्ला करून तिला गंभीर जखमी केलं. आवाज ऐकून मुलगा पियुष जागा झाला आणि त्याने वडिलांना थांबवण्याचा प्रयत्न केला, मात्र रवी नांदूरकर याने त्याच्यावरही चाकूने वार केले. या हल्ल्यात त्यांचं बोट कापलं गेलं.
स्कॉर्पियो शिकताना नियंत्रण सुटलं, दोघांना चिरडलं; कार अपघाताचा अंगावर काटा आणणारा भयंकर Video समोर
त्यानंतर लहान मुलगा आरडाओरड करायला लागला. लहान मुलाचा आवाज शेजारच्यांनी ऐकला. शेजारी त्यांचा घराबाहेर आले. पत्नी पिंकीने बचावण्यासाठी जखमी अवस्थेत कसा तरी दरवाजा उघडला आणि ती घराबाहेर पडली. घरमालकाने तात्काळ पोलिसांना या संपूर्ण घटनेबाबत माहिती दिली. नंदनवन पोलिसांनी घटनास्थळ गाठून तिघा जखमींना रुग्णालयात दाखल केलं. रुग्णालयात पिंकीची प्रकृती चिंताजनक असल्याचं डॉक्टरांकडून सांगण्यात येत आहे.

सध्या पोलीस या हल्ल्यामागील कारण शोधण्याचा प्रयत्न करत आहेत. हे कुटुंब २० दिवसांपूर्वीच भाड्याने या भागात राहायला आलं होतं, त्यामुळे घरमालक आणि शेजाऱ्यांना त्यांच्याबद्दल फारशी माहिती नाही. पोलीस या प्रकरणाचा पुढील तपास करत आहेत.