Maharashtra Cabinet Decisions : राज्य मंत्रिमंडळाची आज महत्त्वाची बैठक पार पडली आहे. या बैठकीत डान्सबार बंदी कायद्यावर चर्चा झाली. आगामी काळात या कायद्यात दुरुस्ती करण्यात येणार आहे. याचबाबत मंत्रिमंडळ बैठकीत चर्चा झाल्याची माहिती आहे. या बैठकीत विविध विभागांशी संबंधित 6 मोठे निर्णय देखील घेण्यात आले आहेत.
राज्य मंत्रिमंडळात घेण्यात आलेले 6 निर्णय
- राज्य मंत्रिमंडळाच्या आजच्या बैठकीत सहावा राज्य वित्त आयोग स्थापन करण्यास मान्यता देण्यात आली आहे. वित्त खात्यासाठी हा महत्त्वाचा निर्णय आहे.
- जलसंपदा विभाग : म्हैसाळ उपसा सिंचन योजनेची ऊर्जा कार्यक्षमता वाढविणाऱ्या सौर ऊर्जा प्रकल्पासाठी १ हजार ५९४ कोटींची मान्यता. या योजनेतून अवर्षण प्रवण भागात १ लाख ८ हजार १९७ हेक्टर क्षेत्राला सिंचन सुविधा.
- गृह विभाग : अंमली पदार्थ विरोधी टास्क फोर्सकरिता (ANTF) ३४६ नवीन पद निर्मिती व त्यासाठीच्या खर्चास मान्यता.
- सार्वजनिक बांधकाम विभाग : राज्यातील रोपवेच्या कामांसाठी राष्ट्रीय राजमार्ग लॉजिस्टिक व्यवस्थापन लि. (NHLML) ला आवश्यक जागा उपलब्ध करून देण्यास मान्यता.
- जलसंपदा विभाग : जळगांव जिल्ह्यामधील चाळीसगांव तालुक्यातील वरखेडे लोंढे (बॅरेज) मध्यम प्रकल्पाच्या १ हजार २७५ कोटी ७८ लाख रुपयांच्या तरतूदीस मान्यता. चाळीसगाव, भडगाव तालुक्यातील ८ हजार २९० हेक्टर क्षेत्राला सिंचन सुविधा.
- महसूल विभाग : पुण्यातील दिनानाथ मंगेशकर हॉस्पिटलला नाल्यावरील पुलाच्या बांधकामासाठी जमीन देण्यास मंजूरी.
Fact Check: एकनाथ शिंदे यांनी हाजी मलंग दर्ग्यात गणेश आरती केली? व्हिडिओचे सत्य काय?
धनंजय मुंडे मंत्रिमंडळ बैठकीत गैरहजर, राजीनाम्याच्या चर्चांना उधाण
दरम्यान, राज्य मंत्रिमंडळाच्या आजच्या बैठकीत अन्न आणि नागरी पुरवठा मंत्री धनंजय मुंडे हे अनुपस्थित होते. त्यांच्या गैरहजेरीमुळे राजकीय वर्तुळात विविध चर्चांना उधाण आलं आहे. उपमुख्यमंत्री अजित पवार यांनी नुकतंच धनंजय मुंडे यांच्या राजीनाम्याबाबत मोठं वक्तव्य केलं होतं. सिंचन विभागाच्या आरोपांप्रकरणी आपण राजीनामा दिला होता. त्यामुळे धनंजय मुंडे यांनी राजीनाम्याबाबत निर्णय घ्यावा, असं अजित पवार म्हणाले होते. अजित पवारांच्या या वक्तव्यानंतर धनंजय मुंडे खरंच राजीनामा देणार का? याबाबतच्या चर्चांना उधाण आलं आहे.
लेखकाबद्दलपाचेंद्रकुमार टेंभरेपाचेंद्रकुमार टेंभरे, महाराष्ट्र टाइम्समध्ये Videographer आहेत. २००० सालापासून ते पत्रकारितेत आहेत. दूरदर्शनपासून त्यांनी पत्रकारितेला सुरुवात केली. सह्याद्री वाहिनी, साम टीव्ही या ठिकाणी त्यांनी काम केले आहे. २०२० पासून ते महाराष्ट्र टाइम्समध्ये आहेत.… आणखी वाचा