महाराष्ट्र राज्य कुस्तीगीर परिषदेच्या वतीने कर्जत-जामखेडमध्ये मार्च महिन्यात महाराष्ट्र केसरी स्पर्धा होणार आहे. काल पुण्यात पत्रकार परिषद घेऊन आमदार रोहित पवार यांनी याबाबत माहिती दिली. अहिल्यानगरमध्ये नुकत्याच पार पडलेल्या महाराष्ट्र केसरी कुस्ती स्पर्धेवर टीका करत ही कुस्ती स्पर्धा राजकीय लोकांसाठी होती का, असा सवाल रोहित पवारांनी उपस्थित केला होता. अहिल्यानगर शहराचे राष्ट्रवादी काँग्रेस अजित पवार गटाचे आमदार संग्राम जगताप यांनी रोहित पवार यांना जोरदार प्रत्युत्तर दिलं आहे.