उंबर्डे गावातील दत्त मंदिरासमोरच्या मैदानात दीप्ती लोखंडे यांच्या विवाहनिमित्त भव्य मंडप उभारण्यात आला होता. शुक्रवारी संध्याकाळी या मंडपात हळदी समारंभ होता. या कार्यक्रमात संध्याकाळी सात ते रात्री दहा वाजण्याच्या दरम्यान स्टेजवर नाचत असताना चिंतामण लोखंडे यांनी कंबरेला लावलेले रिव्हॉल्व्हर बाहेर काढले. ते डाव्यात हातात घेत, हात उंचावून ‘मै हू डॉन’ या गाण्याच्या तालावर नाचू लागले. यावेळी चिंतामण लोखंडे यांच्या आजूबाजूला लहान बालके आणि महिलांसह वऱ्हाडी मंडळी नाचत होती. नजर चुकीने काही दुर्घटना याठिकाणी घडली असती तर त्याची जबाबदारी कुणाची होती, असे प्रश्न यावेळी उपस्थित करण्यात येत होते.
रत्नागिरीत पुन्हा मोठा राजकीय भूकंप, ठाकरेंना सर्वात मोठा धक्का, दापोली नगरपंचायतीत शिंदेंच्या शिवसेनेकडून गेम
सार्वजनिक ठिकाणी नागरिकांसह सुरक्षितता धोक्यात येईल असे कृत्य करून स्वसंरक्षणासाठीच्या परवानग्याचे जाहीर प्रदर्शन करून शस्त्र वापर परवान्याचा नियमभंग केला. त्यामुळे खडकपाडा पोलीस ठाण्याचे हवालदार अविनाश पांडुरंग यांनी ठाणे जिल्हा शहरवासियांना पोलिस आयुक्त आशुतोष डुंबरे यांनी जारी केलेल्या मनाई आदेशांचा भंग केल्याच्या आरोपाखाली चिंतामण लोखंडे यांच्या विरूद्ध अग्नीशस्त्र अधिनियम कायद्यान्वये शनिवारी गुन्हा दाखल केला आहे.
अजितदादा म्हणाले अर्ध कच्चं चिकन खाल्ल्यास GBS चा धोका, पोल्ट्री मालकांचा धंदा बुडाला, खरं काय?

चिंतामण लोखंडे यांच्या भावाकडे विनापरवाना पिस्तुल

यावेळी हळदी समारंभात नाचत असताना चिंतामण लोखंडे यांचे भाऊ शरद नामदेव लोखंडे यांच्या जवळील एक स्टीलचे पिस्तुल हळदी समारंभातील सुमित भोईर याना दाखवत असल्याचे व्हिडिओमध्ये पोलिसांना दिसत आहे. या चित्रफितीची पोलिसांनी पडताळणी केली. शरद लोखंडे यांच्याकडे गृह विभागाचं शस्त्र परवाना आहे का याची खात्री केली. त्यावेळी शरद लोखंडे यांच्याकडे परवाना नसल्याचं समोर आलं. पिस्तुल विनापरवाना वापरत असल्याचं पोलिसांच्या निदर्शनास आले असून पोलिसांनी त्याच्या विरुद्ध देखील शस्त्र कायद्याने गुन्हा दाखल केला आहे.

पोलिसांनी चिंतामण लोखंडे यांच्या भाऊ शरद नामदेव लोखंडे यांच्याकडे अग्नीशस्त्र बाळगण्याचा परवाना आहे का? याची खातरजमा पोलीस ठाण्यातील अभिलेखात केली. मात्र त्यांच्या नावे अग्नीशस्त्र वापरण्याचा परवाना नसल्याची खात्री पटल्यानंतर पोलिसांनी त्यांच्यावर महाराष्ट्र पोलिस कायद्यान्वये शनिवारी गुन्हा नोंदवून तपास सुरू केला आहे.

हळदी समारंभाचा व्हिडीओ समाज माध्यमांवर प्रसारित झाल्यानंतर पोलिस उपायुक्त अतुल झेंडे यांनी याची गंभीर दखल घेऊन खडकपाडा पोलीस ठाण्याचे वरिष्ठ पोलिस निरीक्षक डॉ. अमरनाथ वाघमोडे यांना शस्त्राचे जाहीर प्रदर्शन करणाऱ्यांवर गुन्हे दाखल करण्याचे आदेश दिले होते. स्वसंरक्षणासाठीच्या शस्त्राचा अशाप्रकारे नियमबाह्य वापर होत असल्याने उपायुक्तांनी खंत व्यक्त केली होती. या प्रकरणाच्या चौकशीदरम्यान पोलिसांनी सदर अग्नीशस्त्र जप्त करण्याची तजवीज ठेवली आहे.