सुरेश धस यांनी गेल्या दोन महिन्यांपासून संतोष देशमुख प्रकरण सातत्यानं लावून धरलं. या प्रकरणामुळं मंत्री धनंजय मुंडेंच्या अडचणी मात्र वाढल्याचं पाहायला मिळालं. परंतु याच सुरेश धसांनी धनंजय मुंडेंची भेट घेतल्याच्या बातम्या आल्या आणि सुरेश धसांची गोची झाली. मुंडे-धस भेटीवर अनेकांनी टीका केली. खासकरून मनोज जरांगे पाटलांनीही सुरेश धसांवर संताप व्यक्त केला. शिवसेना ठाकरे गटाचे नेते आणि खासदार संजय राऊत यांनीही सुरेश धसांवर टीका केली होती. दरम्यान सुरेश धसांनी या दोन्ही प्रतिक्रियांवर भाष्य केलं आहे. जरांगे पाटील माझ्यासाठी दैवत आहेत, ते माझ्यावर रागावले तरी मी काही म्हणणार नाही, असं सुरेश धस म्हणाले. त्याचवेळी संजय राऊत इंटरनॅशनल स्पीकर आहेत, त्यांच्यावर बोलण्याइतकी माझी लायकी नाही, असं म्हणत धसांनी राऊतांना टोला लगावला. नेमके काय म्हणाले सुरेश धस? पाहुया….